لما ياكلوك لحم و يرموك عضم

[walaa farouk]

هو المثل القديم "ياكلوك لحم و يرموك عضم" لسه شغال ؟؟

للأسف ايوه ، و بقوة ..

قليل قوي اللي بيحبك لنفسك مش لفوايدك..

لكن تركيبة الناس تعرفك قوي لغاية لما تاخد منك اخرك ، زي خيل الحكومة (عفوا) ، لما تعجز ، تتركن ، و أحيانا ينهوا حياتها ..

جرب تكون مهم عند حد ، تلاقيه قربلك قوي لغاية ما ياخد اللي عندك كله ، من علم و خبرة ، و اول ما يشوف ان اللي عندك يخلص او يلاقي بديل "صيني" منك (يعني ارخص منك ، او مهاود عنك ) يبيعك علي اول ناصية ، و لا كأنه يعرفك ..

الدروس :
اوعي تضايق لان ده طبع البشر الغلاب،

و اوعي تبطل تدي و تحب لان ده سر سعادتك

و اوعي تعشم كتير في الناس و لا تستني حاجة من حد و لا تحاسب حد علشان لا تتعب و لا تتعِب..

و اعشم قوي في ربنا لان اللي عند الناس ممكن يروح ، لكن اللي عنده بيزيد و يفيض..