10 - 06 - 2021, 07:55 AM
|
|
|
|
..::| الإدارة العامة |::..
|
|
|
|
|
|
يحرب من "حرباية" ، يعني ما بيبطلش"فرك" ،
يحط دماغه في موضوع ما يطلعش منه لغاية ما يجيب "درفه" ..
مفيش مانع طبعا من الكفاح و الاصرار ورا الحاجة ، لو الفكرة صح و مدروسة ، و مسنودة علي مشورة صحيحة ..
إنما مشكلة الأخ "حرباية" انه حتي لو غلط يتنه يحفر و يحفر لغاية ما يجيب عاليها واطيها ، و كل ده علشان يثبت انه "صح" ..
الأخ "حرباية" ده ، ما بيتهدش حتي لو كل اللي عمله غلط ،
و عنده لكل غلطاته تفسير ، ان "الناس هي اللي ما وقفتش معاه" ..
مرة "يحرب" في المناقشات الغبية لغاية ما يزهق اللي قدامه و يطفشه و يزهقه، و مرة "يحرب" في القرار الغلط لغاية ما يطربق الدنيا علي بعض ..
الأخ حرباية ده راكبه سوفت وير "العند" ، ما بيسمعش غير نفسه و معاهم الكام واحد اللي بيعوموا علي عومه و يؤكدوا له انه صح الصح ..
عم "حرباية" يا ما حرب و اتحشر في حفر و حشر الناس معاه..
و لو كان صلي و استشار كان ريح و ارتاح ..
|
