|
 |
 |
 |
|
رقم المشاركة : ( 1 )
27 - 04 - 2021, 09:56 PM
|
|||||||||||
|
|||||||||||
|
وقفة دقيقتين بيني وبين ذاتي قدام ربي  "يا أحبائي، إن كان أحد مريضا، فليدع قسوس البيعة فيصلوا عليه ويمسحوه بالزيت باسم ربنا. وصلاة الإيمان تشفي ذلك المريض، وربنا يقيمه" (يع18-13/5) اليوم أربعاء أيوب: *صلا* ، *عجين* ، *زيت* ، *فتايل* *مضواية* *بقلب* *العجين* ، *رتبة* *صلا* وما *احلى* *هالصلا* ! مع أيوب البار منصلي، ومتل أيوب المريض منصبر على المرض وعلى الشدة، وبيمسح الخوري جبيني، أنا المريض بالزيت الشافي. أيوب المريض بجسمو وأنا متلو مريض بجسمي، وبنفسي، وبروحي يمكن... أنا بشبه أيوب بالمرض، لكن هل بشبهوا بالصبر، بالصلا وبتمجيد اسم الرب؟ ؟؟؟ عجينة من طحين الدرة عجينة غير متماسكة بترمز لجسد أيوب الضعيف، يعني لجسدي أنا المريض. و زيت عم يغمر هالعجينة، زيت شافي، هيدا بحر رحمة الله اللامتناهية يللي بتغمرني اليوم وكل يوم وبتشفيني من جروحاتي، من ألمي، من يأسي، رحمة بلا حدود وغفران كبير. وفتايل سبعة بقلب العجينة والزيت: سبع عطايا من روحك يا رب، عطايا روحك القدوس يللي بتفهمني وبتقويني بكل ضعفي وأوهاني. عطايا روحك القدوس يا ربي متل النار اللي بتحرق حتى تطهر وتنقي. اليوم بأربعا أيوب طهرني يا رب، وبدل ضعفي الجسدي والنفسي ليصير قوة منك وفيك ومعك، وبزيت رحمتك اغفر خطايا أنا عملتا عن جهل، اغفر لي وعطيني الوعي الكافي حتى أقدر إثبت بمحبتك ومحبة إخوتي دايما. وكل أربعا أيوب وأنا والجميع نبقى ولادك يللي شفيتنا ورجعتنا لحضنك الأبوي. آمين 
|
 |
|
| قد تكون مهتم بالمواضيع التالية ايضاً |
| الموضوع |
| وكأنك بيني وبين كُل شيء |
| لما اخترت بينى وبين المال |
| بينى وبين احدهم |
| بيني وبين من أحب |
| حوار بينى وبين الله |
العرض العادي
