|
 |
 |
 |
|
رقم المشاركة : ( 1 )
14 - 02 - 2021, 08:23 PM
|
|||||||||||
|
|||||||||||
 فيه قرارات عملتها لو وقفت علي شعر راسك مستحيل تعرف تغيرها .. القرارات دي ممكن تكون بسبب اندفاعك ، او بقلة خبرة ، او بسبب سوء حكمك او عنادك .. و ممكن تكون بسبب مشورة غير حكيمة من حد ، او بسبب ظروف اتحطيت فيها بالغصب .. المهم القرار طلع غلط في الآخر ، و ممكن تكون عواقبه وخيمة .. و الحل ؟؟ الحل انك تصدق ان ربنا بيلم وراك ، و بيظبط لك الطرق الغلط اللي دخلتها حتي لو عملتها من دماغك.. بمجرد ما بتقول له "صلح لي الغباوة اللي عملتها " ، او "طلعني من الشبكة اللي حطيت نفسي فيها" ، او "خرجني من الورطة اللي الناس او الظروف حطيتني فيها" .. ح تكتشف ان ربنا عامل حسابه من الاول ، و انه يقدر يخللي اي حاجة تتحل و تخدم خيرك، و ان له خطة بديلة يلحق بيها اخطاءك، و ان اوامره ح تتنفذ مهما كان الموضوع مستحيل.. و ح تكتشف برضه ان ربنا يقدر يعدل الطريق الغلط و يوصلك منه لنفس الطريق الصح اللي كان ممكن توصله لو ما حصلش غلط .. و افتكر الآية اللي ح تنقذ دماغك من القلق، و قلبك من الزهق و حياتك من الارق : " مَنْ ذَا الَّذِي يَقُولُ فَيَكُونَ وَالرَّبُّ لَمْ يَأْمُرْ؟ مِنْ فَمِ الْعَلِيِّ أَلاَ تَخْرُجُ (تسمح) الشُّرُورُ ( من وجهة نظرك) وَالْخَيْرُ؟ (مراثي إرميا ٣: ٣٧ و ٣٨) 
|
 |
|
العرض العادي
