|
 |
 |
 |
|
رقم المشاركة : ( 1 )
27 - 12 - 2020, 06:02 PM
|
|||||||||||
|
|||||||||||
 فيه علاقات مبنيه علي اساس ( انا عايز ) - انا عايز احس بالامان - انا عايز حد يحبني - انا عايز حد يحتمل عيوبي - انا عايز حد يعوضني عن الحزن و التعب - انا عايز اهتمام... انا عايز... انا عايز + المشكله هنا لما الطرف التاني بيكون هو كمان عايز... بيحصل صدام و مشاكل ملهاش اول من اخر و الطرف الاول بيتهم التاني انت مابقتش تحبني زي الاول ! او انت مش عارف تحبني اصلا ! و ممكن يتهمه بالانانيه + الشخص اللي عايز يرتاح و يشبع احتياجاته و يحس بالقبول و السعادة من غير ما يتعب و يصلح شخصيته و يكون انسان سوي هو شخص اناني و العلاقه دي بنسميها علاقه طفيليه او اعتماديه + انا داخل العلاقه اخد و ممكن ادي شويه عشان بس محدش يقول اني مش بعمل اللي عليه... ممكن ادي مثلا كلام حب او شويه وقت! كفايه عليه كده و هو بقي المطلوب يعمل كل حاجه! + الاختيار مفهوش تكافؤ ... واحد بيدور علي انسان ناضج و متصالح مع نفسه شبعان حب و واقف علي رجليه و هو دوره انه ينقذه من حاله الضياع و الفشل و الاكتاب و لو معملش كده يبقي مش بيحبه! هو في الحقيقة انت اللي مش بتحبه! انت بتحب نفسك و بتدور علي مصلحتك الشخصيه + العلاقات الناجحه هي اللي كل طرف قدر يخرج فيها بره ذاته و احتياجاته رغم وجودها.. . و داخل العلاقه عشان يوفر احتياجات الطرف الآخر + طيب انا عندي مشاكل كتير و مش عارف احلها و عايز حد يحبني و يشبع احتياجاتي... ده مش دور شريك حياتك ده دور مرشد روحي او معالج نفسي.. . اتعب و اتغير و طور من نفسك... صلح عيوبك و عشان نقدر نقول عليك شريك حياه صالح للزواج... لكن الزواج مش علاج ولا للاستقرار... الزواج لناس اختبرت الالم و قدرت تحتمله.. . اختبرت اليأس و انتصرت عليها... اختبرت الخوف و لقت الامان جواها + العلاقات تشاركية وتبادلية..مبدا (احنا) هو السائد..ما يرضي ويطمئن كل طرف ويقوي العلاقة ويجعلها مستقرة وقابلة للنمو.. .والاتنين فيها مبسوطين وقابلين للنمو.. +اصحاب مبدأ (انا) يهمه نفسه واللي عايزه ويطمنه ولا يعنيه الاخر واحتياجه ومخاوفه.. .بيستسهل الحل ..انا وبس وعلى الاخر تظبيط نفسه على الحل ده +اصحاب مبدا (احنا) برغم الخلاف والاختلاف يهمهم ان الكل يبقى مبسوط.. وان الحلول والتقاربات لصالح الاتنين..حتى لو بذلوا مجهود اضافي وتعبوا وهم بيعملوا الحل ده. +مفيش علاقة مشبعة وقوية ومستقرة ومتطورة..الا الاتنين فيها شبعانين.. وده استثمار لكل طرف برضو ..انه عشان ينبسط لازم الاخر يكون مبسوط .. .اصحاب العلاقات الطفيلية لا يعنيه تطور العلاقة او مستقبلها الا بالشكل اللي عايزه وبس وشايف تحت رجليه وبس. + العلاقة زي رقصة التانجو علاقة متكافأه فيها خد و هات فيها تعاون و سند متبادل فيها احتمال من الطرفين مش طرف واحد علاقه فيها نمو و تسديد احتياجات... فيها تناغم و مساواه... فيها حب الاغابي.. . حب العطاء اكثر من الاخذ + عشان رقصه التانجو تطلع مبهره كل واحد عينه بتكون علي حركه التاني و بيكييف جسمه علي وضع الاخر... فينتج لوحه مبهره متناغمه بدون مجهود ولا صراع 
|
 |
|
| قد تكون مهتم بالمواضيع التالية ايضاً |
| الموضوع |
| شارع تانجو |
| آتٌمنْيَ لُۆ گآنْتٌ آشُيَآئيَ آلُمۆجٍعه ۆرقَه...آمزقَہآ ۆتٌنْتٌہي |
| وهنااااا تبدأ رقصه الهنود الحمر |
| دماغ بانجو |
| احلى بانيو للحمام |
العرض العادي
