مَنْ لا يَدخُلُ حَظيرَةَ الخِرافِ مِنَ البابِ فهوَ سارِقٌ ولِصٌّ

[Mary Naeem]

مَنْ لا يَدخُلُ حَظيرَةَ الخِرافِ مِنَ البابِ فهوَ سارِقٌ ولِصٌّ









كلنا منعرف إنو الانسانیة بھالشرق بخطر لانو اللصوص كتار والسراقین أكتر وأكتر.. وكلنا ناطرین الحل والفرج من شي بلد أجنبي أو من شي قائد أو زعیم، نسینا انو جربناھن كلن وما عطیونا الا الدمار والخراب. وتیضل بھالشرق في خراف بدنا نعرف نمیز مین الراعي الحقیقي اللي بیعرفنا بالاسم من اللص اللي بیخطف أنفاسنا.
تیضل بھالشرق في ناس بتحب الالوان بیحلموا بالعید .. بیحلموا بالشمس .. بیحلموا بالعرس .. تیضل في صبیة بتلبس جینز وبتقني سیارة وبتقعد ورا مكتب .. عندا الحریة تختار تیابا ولون شعرا وفرش بیتا وقیاس البردایة وعریس المستقبل .. تكون بالجامعة متل الصبي واكتر وبالشغل متل الصبي واكتر عندا ھویة لا الھا وحدا وجسما لا الھا وحدا وحلمھا لا الھا وحدا ونجاحھا لا الھا وحدا وشرفھا لا الھا وحدا وكل شي الھا بالاخر لا الله .. ولا غیر الله وولادا الزغار ما بتركع ما بتنحني..
تیضل بھالشرق في شباب بایدن مفتاح المعرفة مش سكین للدبح والنحر.. بایدن قلم جبران وریشة فنان مزیننین بالقیم وكل شي الو قیمة مش كل شي بلا قیمة من صرف وطفش وبزخ.. والسرعة بالسیارة والقرار.. عقلن منارة مش السیجارة ..

لاحقین التبشیر مش التبذیر والتخدیر وكل شي اسمو تعتیر.. ھیدا مدیر بشركتھ وھیدا حكیم بعیادتھ وھیدا ضابط بفرقتھ وثكنتھ وھیدا مھندس ومحامي وخبیر مالي وممرض وقائد بیرق بدق عالجامد دعستو عالارض بتشلفط بیمشي عالزیح وما بیزیح .. قلبو نضیف وكفو نضیف..
بالصیف بالشتي بالربیع بالخریف مسلح بالشرف.. مزین بالتضحیة .. مكلل بالوفا.. ولمن بتشوفوا بتضربلو التحیة وبتقلو تسلم یا وطن.. راعینا ھو یسوع، بیمشي قدامنا، تنزھر بالربیع قمار قمار من الورد وغمار غمار من السنابل بتنضج وبتعطي الثمر بوقتو .. ع اسموا بدنا نكفي بھالوعر ونحفر بایدنا ع الصخر حكایة النصر الاكید لكرامة الانسان .. تیضل بھالشرق في مرا بترفع راسا وفي ابن مرا عندو راس..ماشیین ورا راعي الكل یسوع المسیح. آمین

[جوزيف جوزيف]

ربي يباركك ويبارك حياتك ويبارك خدمتك

[Mary Naeem]

شكرا على المرور