اوس اوس يخرج عن صمته ويرد على الانتقاد الشرسة على زوجته
انتقد الفنان الشاب محمد أسامة الشهير بـ"أوس أوس"، الحملة الشرسة التى تعرضت لها زوجته بعد حضورها حفل زفاف شقيقة الفنان مصطفى خاطر.
وكتب أوس أوس، عبر حسابه الرسمى، على موقع "إنستجرام"، اليوم الإثنين: "أنا مش محتاج أبرر وأحكى أى حاجة عن حياتى، والست اللى قلبى اخترها كنت ساعتها فى أول موسم لتياترو مصر، كنا نتقاضى مرتبات مش ممكن تفتح بيت، وأول ما اتجوزت كنت قاعد فى بيت إيجار، وهكتفى بالنقطتين دول عشان أصحاب العقول والنفوس المريضة يعرفوا ويبطلوا نغمة الفلوس بتعمل أكتر من كده".
وأضاف: "الفلوس ممكن تشترى سرير بس ماتشتريش النوم! ومش أنا بس دا أغلب المشاهير اللى بتحسدوهم على حياتهم دلوقتى ماتعرفش بدأ من امتى واتبهدل إزاى ولولا وجود حد جنبه بيسنده ويدعمه ماكنش هيعرف يعدى من أى مشكلة نفسية أو مادية فى حياتة، ومش معنى إنى بنزل أشتغل أو بتصور وأنا مبسوط ده معناه إنى هموت من الفرحة، بس دى مهنتى وواجبى ناحية جمهورى إنى أخرجه من أى حزن، كل ده بعمله على حساب حزنى وجرحى ووجعى أنا، وفى الآخر بتشتم برضه! أنا بقول الكلام ده ولن أسمح بأى تدخل فى حياتى الشخصية مرة أخرى سواء بالخير أو بالشر أو دخول اسم مراتى فى أى كلمة من كلام المرضى النفسيين، مراتى اللى أخوها متوفى وابنها متوفى وماصدقت أول مرة أخرجها نروح مناسبة ودمرتوها نفسيًا تانى بكلامكم المريض".
واختتم قائلاً: "حسبى الله ونعم الوكيل فيكم، حقك عليا ياست الكل، سكت كتير وكنت بعدى لكن مفيش فايدة، كل واحد يركز فى حياته، الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياة الناس".
هذا الخبر منقول من : مبتدأ
01 - 09 - 2020, 10:46 AM
العرض العادي
