16 - 07 - 2020, 08:04 AM
|
|
|
|
..::| الإدارة العامة |::..
|
|
|
|
|
|
الرحمة مش دايما انك تدي فقير
الرحمة في شكلها العملي اليوم لها أشكال مختلفة
مثلا :
• انك لما تلاقي ماركت شغال اوي و محل جنبه مش شغال زيه وبيبيع نفس المنتج ممكن تشتري منه .
• انك لو رحت فندق ومالقيتش ازازة المياه ساقعة او الاوضة مش علي البحر بلاش تنزل تطيح في موظف الريسبشن و تعمل فتوة عليه لان ده مش رجولة انت كدة أسوأ شخص في المجرة .
• انك لما تلاقي ست غلبانة قاعدة بقفص في الشارع
متفاصلش معاها في جنيه ونص جنيه بل بالعكس ممكن انت من نفسك تديها زيادة .
• ان لما حد سيلز شغال في شركة او بنك يتصل بيك يقدم لك عرض ، ماتردش عليه رد ناشف ولا تحسسه بالرفض .
• لكن تبص ان ده شاب بسيط مطحون بيحاول يلاقي فرصة عمل ..
فحتي لو مش هتشتري منه بلاش تحسسه انه تقيل عليك .
• لما تتصل بخدمة عملاء شركة علشان شكوي ما ..
ماتطلعش غلك كله علي الموظف الغلبان اللي بيرد عليك
اللي بيسمع كل يوم ردود حادة وهو مالهوش ذنب ..
انت لو شفت رجل الاعمال صاحب الشركة
فمش هتقدر تفتح بقك قصاده فبلاش تتشطر علي الموظف .
خليك رحيم .. فالله يرحمك لما تحتاج للرحمة .
|
