|
 |
 |
 |
|
رقم المشاركة : ( 1 )
17 - 06 - 2020, 06:39 AM
|
|||||||||||
|
|||||||||||
 ربنا قزاز !🤔💙 تعالوا نعرف ايه قصه كلمه دى🤔 👈قصه ممكن تتحكى👌او تتعمل كتجربه🤗 بكل الوسائل اللى جواها😍 فى احد الكنائس اليابانبة فى مدارس الاحد طلب احد الخدام من الاطفال ان يوصفوا الله بكلمة وصاحب افضل وصف هياخد هدية بس الكلام دا هيتقدم فى الاسبوع الى بعده.. الاسبوع اللى بعده طلب الخادم من كل طفل يوصف ربنا بكلمة.. وتسمع ودن الخادم ..ربنا.. حنين..طيب..اب..مضحى..سلام..محبة..جميل..مساعد..سند. . ومستمر فى السمع لحد ما سمع.. ربنا قزاز.. فوقف عندها وقعد يضحك والعيال كلها ضحكت برضه.. طلعت طفلة اسمها ساراى ومعاها صورة .. الصورة دى كانت صورتها متبروزة.. وفتحت شنطتها وطلعت كام قزازة.. اول قزازة كانت مية وكبتها على صورتها .. والخادم والاطفال مركزين معاها بصمت وشغف عايزين يعرفوا نهاية اللى بتعمله.. بعدها طلعت قزازة مية تانى ومسكت المايك وقالتلهم دى مية برضه بس مية نار وكبتها على صورتها.. بعدها طلعت شوية اسمنت وكبته على صورتها .. بعدها طلعت حجر كبير من الشنطة خلى كل الخدام اللى فى مدارس احد اللى كانوا بيكلموا بعض والولاد اللى كانوا سارحنين يركزوا معاها.. وراحت ماسكة الحجر دا ونزلت بيه على صورتها فاتكسر قزازها.. وطلعت الصورة قدام كل مدارس احد سليمة مفهاش خدش.. وقالتلهم.. ربنا هو القزاز اللى بيحمينى من المية اللى ممكن تكرمشنى ومية النار اللى ممكن تحرقنى وتشوهنى وبيحمينى من اسمنت ممكن يغطينى ويمحى ملامحى ربنا هو القزاز اللى بياخد الضربة الصعبة والحجر اللى نازل عليا مكانى فيتكسر هو عشان يحافظ على صورته اللى هو صورتى سليمة .. القزاز اللى يوم ما هستغنى عنه هاختفى من عالم الصور للابد ربنا قزاز 🙂🙂🙂🙂 الشيطان ابرة!.. اسبوع تانى طلب الخادم من الاطفال يوصفوا الشيطان وكان ملهوف يسمع وصف ساراى بعد ما سمع منها وصفها عن ربنا اللى اثر فيه هو وكل الكنيسة.. وابتداء يسمع من الاطفال.. الشيطان..وحش..مرعب..عملاق..اسود..بقرون..مخيف..الخ وبعدها قال دلوقتى عايزين نسمع وصف ساراى عن الشيطان جاهزة يا ساراى.. ايوة جاهزة بس اخد جايزة زى المرة اللى فاتت لو طلع احسن وصف.. رد عليها الخادم اكيد اكيد يلا.. فقالتله ينفع نطلع بره طيب.. قالها ايوة بس مناخرش عشان وقت مدارس .. حاضر حاضر متقلقكش.. راحت طلعت وخدت مدارس احد كلها وراها مخدومين وخدام كله كان بيفكر فى نفس الوقت يا تراء وخدانا فين دى .. لحد ما وصلوا لكولدير المية .. بس الاستغراب المرادى كان اضعاف المرة اللى فاتت .. وطلعت قزازة بلاستك فاضية وطلعت ابرة وغرزتها فى القزازة وعملت خرم صغير جدا.. وحطت القزازة تحت الحنفية فكل ما تملأها تفضى بسبب الخرم الصغير وفضلت كدا ٥ دقايق وبعدها طلعت بلستر من الشطنة وحطته على القزازة فاتملت🙂 وقالتلهم الشيطان أبرة تيجى تعمل فى حياتى خرم صغير بخطية معينة وكل ما اعطش يجى يروينى فلو كان الشيطان حنفية مبتبطلش او بحر بيروينى يخلص البحر وافضل عطشانة وتقطع المية من الحنفية وبرضه ما اتمليش وافضل مركزة ازاى اشبع وانسى ايه سبب عدم الشبع فانسى الخرم الصغير اللى هو سبب العطش .. فيكون الحل الوحيد ازاى اسد الخرم دا فى حياتى ومحدش بيسد الخرم دا غير البلستر اللى هو ربنا فارجع اشرب بعدها واتملئ عادى ولو فضلت الحنفية شغالة مش بس هتملئ دا انا ممكن املئ قزايز تانى فاضية كتير.. ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ ٠٠٠٠٠٠ ربنا_قزاز_والشيطان_ابرة.. 
|
 |
|
| قد تكون مهتم بالمواضيع التالية ايضاً |
| الموضوع |
| خدام اثرت فينا |
| ابرة وقطعة قماش |
| مرور جمل من ثقب ابرة ايسر |
| ربنا والشيطان بيتلككوا عليك ياترى هاتقبل لمين |
| مرور جمل من ثقب ابرة |
العرض العادي
