زوادة اليوم: نحنا اليوم شو عم نعلّم ولادنا؟ : 8 / 1 / 2020 /

[souad jaalouk]

زوّادة اليوم:
بيخبرو عن زلمي عايش بواشنطن عندو 6 شباب. هالقصّة حقيقيّة صارت بال2005. بيقول هالزلمي انّو هوّي تعذّب كتير حتّى قدر كبّر ولادو و اشتغل ليل نهار حتّى امَّنلن بيت و كل شي عايزينو. و حتّى يعلمن يفكرو بغيرن و يهتمّو بغيرن متل ما هوّي اهتم فيهن راح هوّي و ياهن عا حقل و بقيو يشتغلو حتّى جمّعو حطب ييعبو 80 بيك اب و هونيك الحطب غالي قيمة اللي جمعو تقريبا 10000$ و وزّعو عا بيوت الضيعة اللي مش قادرين يتدفّو!
هالزلمي علّم ولادو درس لكل حياتن انّن اذا كانو قادرين يساعدو حدا بشو ما كان ما يتأخّرو و الأهم انّن ما ينطرو مقابل للشي اللي عملوه! نحنا اليوم شو عم نعلّم ولادنا؟ ما منسمع الّا عم ينقال جيل اليوم مغنّج و اناني و منزوع و سطحي و ما بينحكى معو و حكياتو اكبر من عمرو و ما بيفكّر بحدا! هنّي ما خلقو هيك...صارو هيك...و احزروا ليش!...الله معكن

[walaa farouk]

ربنا يبارك خدمتك الجميلة

[Mary Naeem]

آمين يا رب