نق اولا داخل الكاس ( قلبك)
( مت 26:23)
دور جوا قلبك وشوف ايه اللي جواه
هل فيه حقد وكراهيه وحسد وحب الذات والسيطرة والتملك
هل فيه نميمة وكبرياء وتملق
هل فيه شهوه وحب للفلوس لدرجة انها تسيطر عليك وتخسرك اقرب الناس ليك
هل فكرك مش طاهر وقلبك دايما مشغول بافكار شبابية شهوانية
هل جواك خوف من المستقبل بحيث ماتبقاش واثق ان ربنا معاك
نق قلبك الاول من كل المشاعر السلبية اللي فيه
وبدلها بمشاعر حب للاخر واتمناله الخير
وبلاش تتكلم عن حد كلام وحش
خلي لسانك دايما يبارك الناس ويطمنهم ويشجعهم
قوله يارب انقذني من المشاعر والافكار والخوف
انا بضعف بصحيح لكن بحبك ومش عايز الافكار دي تغلبني
انا ضعيف قويني
ساعتها بس هتحس باحاسيس عمرك في حياتك ماشعرت بيها
وتلاقي ربنا بنفسه يسكن جوه قلبك
وتحس ساعتها بزيارة النعمة والسلام والهدوء والطمانينة
