الرب وقف معي وقواني ( 2 تي 17:4 )
لو نفسك تصوم ومش قادر
بتحاول تصلي وبتكسل كتير
مش قادر تشتغل بقوة وعندك زهق وملل
حاسس انك مش قادر تجدد من يومك ومن حياتك
مش قادر تذاكر مش عارف تسامح اخوك
ولا يهمك انت بس محتاج تشحن
احضر قداس في اسرع وقت
اسمع عظات كتير وترانيم بتحبها
حاول ماتتكلمش مع حد كتير ويبقي افضل لو تقفل تليفونك شوية
بلاش نت ولا فيس
استرخي وماتفكرش في اي حاجة
فرغ ذهنك من اي حاجة
وردد في سرك اليك رفعت عيني ياساكن السماء .. قويني يارب
ساعتها بس بعيد عن الدوشة والتليفونات والناس والنت
في الهدوء هتعرف تشحن وتحس بقوة عجيبة من ربنا
وساعتها تقدر ترجع تاني بقوة وتقول الرب وقف معي وقواني
وتقف تصلي وانت مليان طاقة ايجابية من ربنا
وتلاقي مودك كله اتغير وتفيض علي اللي حواليك كمان
