إعلامي يكشف يوم البابا تواضروس بالخارج
رد الإعلامي إسحق يونان على من يردد بأن سفريات البابا تواضروس للخارج لأجل التنزه وقضاء وقت راحة قائلاً:بمناسبة عيد جلوس قداسة البابا تواضروس و سبع سنين من خدمة الكنيسةحابب أقول كلمتين قدام ربنا و الناس تشوفهم انت تطبيل تشوفهم حقيقة. انت و قناعاتك، أنا سافرت مع قداسة البابا عدد كبير من الزيارات خارج مصر بحكم عملي فى قناة سي تي ڤي، البابا بيبدأ عمله تقريبًا خامسة صباحًا كل يوم و مش بيخلص قبل الساعة عاشرة مساءً. وأضاف يونان في تدوينة عبر حسابه بالفيسبوك، غالبًا بيبدأ بتدشين كنيسة و بعدها قداس و بعدها فطار مع الجالية القبطية، وبعد كده لقاءات مع مسؤولين، ومن الساعة خامسة مساءً تبدأ العشية فى كنيسة فى مدينة مختلفة و بعدها عظة وبعد العظة سلامات باليد مع كل الحاضرين، لدرجة أنه فى احدى البلاد كان بيدشن كنيسة و يعمل القداس فى كنيسة تانية! طبعًا كفريق عمل بنبقى معاه طول الوقت و بنشوف ده قدام عنينا. وأنا عندي على صفحتي هنا مئات الأشخاص اتقابلت معاهم فى الزيارات المختلفة، و ببساطة خالص ممكن يدخلوا يأكدوا كلامي او يكذبوه. وتابع يونان، وبعد ده كله يطلع البعض يقولك بيسافر يتفسح ! أو ليه بيسافر؟!1 عمومًا أقل إجابة اننا أصبحنا كنيسة موجودة فى العالم كله بفضل البابا شنودة اللي كرز فى العالم كله و كان بيسافر بالشهور يفتقد ولاده فى كل قارات العالم والبابا تواضروس بيكمل الخدمة الشاقة، بس الحكاية إن كتير مننا أتعود يجرح فى الكبير و بالاكتر من كده ناس كتير بتخاف تكتب الصراحة عشان ما يتقلش عليهم منافقين ! وأختتم بقوله، عمومًا كل سنة و قداستك شايل حمل الكنيسة كلها و بتصلي من اجل ولادك. حتى لو ما بتسمعش منهم كلمة شكرًا.
هذا الخبر منقول من : الأقباط متحدون
19 - 11 - 2019, 10:58 AM
العرض العادي
