باك تو سكول (الجزء الثالث)

[walaa farouk]

وقد جاء اليوم المنتظر ... اول يوم دراسة
ولسه بنقول يا مُسهل 😀😀😀

🔸ابدأوا يومكم بالصلاة .. صباح الخير يا رب .
هتفرق في حياة ولادكوا وحياتكوا اوي .. هيفهموا ان ربنا اول واحد نكلمه
ونشكره علي الليل اللي عدي بسلام ونطلب منه يكون موجود معانا في يومنا الجديد ..🙏🙏

🔸متنزلوش الولاد المدرسه وهما زعلانين ،
مهما كان السبب هما نازلين وسيبينك خليهم مشتاقين للرجوع .
🔸 قوللهم كلام حلو وهما رايحين المدرسه ( هتوحشوني..ربنا معاكوا.
..انبسطوا اوي...هعملكوا احلي غدا .. هعملكوا الملوخية الفظيعه...بحبكوا اوي .
. هحضرلكوا مفاجأة ... ) اي كلام حلو لطيف يفتحوا يومهم بضحكه .😊
🔸 لا تسمحوا انهم يناموا بليل وهما زعلانين...مهما كان السبب
( لو الموضوع كبير أجلي المناقشه فيه لوقت مناسب )
🔸متصحوش العيال علي خناق وصراخ والكلمات اللي كلنا عافرينها .
..براحه ( ضحكتك بتفتح لهم يومهم ) ( صباح الفل ...صباح الجمال
...ألفي اغنيه وحطي أسمائهم وغنيها واضحكوا...)
لو الوقت مزنوق وبيصحوا بصعوبه ..اظبطي المنبه 10دقايق بدري زياده .
🔸 استقبلوا العيال وهما داخلين من المدرسه بالابتسامه الحلوه .
..وحشتوني اوي.... اهلا حبايبي ..مش ( جينا لوجع الدماغ .. اتفضلوا ..اخلصوا ...) ❌❌
🔸 متذكريش للعيال وانت مستعجله و عايزه تقومي تعملي اي حاجه...( هتقلب خناقة ) 📘📙
خلصي اللي انت عايزاه قبل ما يرجعوا..مش ذنبهم انك مستعجله
او مخلصتيش اللي واركي او انك بتشتغلي ،
نظمي وقتك واولاوياتك وطلبات اليوم علي أد الوقت المسموح بيه
، مش علي أد اللي لازم اخلصه لا لا لا .
فتزعقي وتيجي عليهم هما عشان يخلصوا ،بردوا لا لا لا 😞
🔸 شجعي وقدري التعب وساعديهم يتعبوا واسنديهم لما يقعوا
او يجيبوا درجه مش عاليه مش مهم الدرجات ..
مش مهم الدرجات ...مش مهم الدرجات ... مش مهم الدرجات .
..مش مهم الدرجات . اقولكوا علي حاجة مهمه
" مش مهم الدرجات "