خاف من الاماكن دي ! 👇👇

[walaa farouk]

الاماكن اللي فيها الكل copy paste (نسخ مكررة) ومافهاش نسخ جديدة .
الاماكن اللي فيها الكل كربونة واحدة ومافهاش اي تفرد او تمايز بينهم وبين بعض .
الاماكن اللي فيها الكل رأي واحد .. مش عشان هما قلب واحد لكن خوفا من الاختلاف .
الأماكن اللي فيها الكل قالب واحد .. وأي حد هييجي بفكرة جديدة هيتطرد ويتعزل فورا .

الصورة دي يمكن تكون مريحة لانهم شبه بعض ونسخة من بعض لكن الحقيقة داخليا غير كدة ..
الاماكن دي مش بتقبل اي حد مختلف ..
مش بتقبل حد حتي لو مؤمن بنفس فكرتهم بس بيقولها بشكل مختلف ..
بتلغي شخصية كل حد وتستتم الكل بشخصية واحدة مش شخصيته ..

النوع ده من الاماكن والعلاقات
نوع بشع لان في الغالب بيرأسه شخص أناني
بيلغي شخصية كل فرد
وعايز الكل كربونة منه لأجل السمع والطاعة والولاء له
وهما مبسوطين جدا ..

الصورة دي متكررة في بلاد ومؤسسات وخدمات متأخرة
وفاكرين انهم كدة متقدمين وفي سلام ..

الملخص : متتخضش لما نكون مختلفين ..
لكن اتخض لو لقيت اننا كربونة من بعض ومفيش تفرد .

[Mary Naeem]

متتخضش لما نكون مختلفين ..
لكن اتخض لو لقيت اننا كربونة من بعض ومفيش تفرد

مشاركة جميلة جدا
ربنا يبارك حياتك