|
 |
 |
 |
|
رقم المشاركة : ( 1 )
06 - 08 - 2019, 09:15 PM
|
|||||||||||
|
|||||||||||
 هي دي الدنيا متلخصة في كلمتين انها بكل اللي فيها حق انتفاع ، مفيش حد يملك فيها اي حاجة .. معاك ورق ملكية لكل حاجة عندك ، صح ؟ شقتك ، ارض ، عربيتك ، حسابك في البنك ، و غيره و غيره .. لكن تعال نفكر : نفس الشقة اللي انت فيها من كام سنة كانت باسم والدك، و بعد كام سنة (ربنا يطول في عمرك ) ح تبقي باسم حد من ولادك ، صح .. يبقي انت كنت عايش فيها حق انتفاع و بس ، لغاية ما تخلص رسالتك و بعدين تسيبها للي بعدك زي ما سابهالك اللي قبلك .. و الدنيا كلها بتلف كده علي الكل .. الغريب أننا بنتخانق و نكره و يمكن نقتل بعض علي حاجات ربنا مسلفهالنا نقضي بيها كام يوم ، و بس.. مفيش ملكية حقيقية في الدنيا ، مجرد ملكية وهمية .. زي غرفة الفندق تبقي بتاعتك يومين الايجار ، و بعدين ترجع لأصحابها، أو كرسي الطيارة أو القطر أو التاكسي ، يبقي بتاعك كام ساعة لغاية لما الرحلة تخلص و يجى اللي بعدك ياخده !! لو فهمت كده ح تعمل حاجات كتير حلوة .. ح تنبسط باللي عندك و تعمل بيه اكتر حاجات حلوة تفرح بيها مع كل حبايبك .. حوش صح بحكمة طبعا لكن اوعي تقرطها علي نفسك و علي غيرك .. كمان ح تبطل تتخانق و تضيع سلامك علي حاجات تتحل بشوية تفاهم .. اخسر فلوس بس ما تخسرش راحة بالك ، و اوعي تضيع عمرك علي حاجات هي في الاخر مش ملكك.. تالت حاجة ح تبسط اللي حواليك و تخليهم يفرحوا بوفرة عطاياك، و ح تفتكر ان كتير من اللي حوشناه يا رميناه، يا نسينا انه عندنا ، يا تلف و عت و باظ من كتر الخزين.. كده ح تفرق و تكتر من خيرك علشان قلبك يعيش مرتاح .. افتكر ان الدنيا حق انتفاع ، استفيد منه و فيد بيه الناس علي قد ما تقدر .. 
|
|
07 - 08 - 2019, 11:02 AM
|
رقم المشاركة : ( 2 ) | ||||
|
† Admin Woman †
|
رد: حق انتفاع
افتكر ان الدنيا حق انتفاع ، استفيد منه
و فيد بيه الناس علي قد ما تقدر .. مشاركة جميلة جدا ربنا يبارك حياتك |
||||
|
|
|
08 - 08 - 2019, 02:04 AM
|
رقم المشاركة : ( 3 ) | ||||
|
..::| الإدارة العامة |::..
|
رد: حق انتفاع
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الزواج شراكة لا حق انتفاع |
| الرئاسة: حق انتفاع قطر لقناة السويس كلام مضحك لا يحتاج لنفى |
العرض العادي
