|
 |
 |
 |
|
رقم المشاركة : ( 1 )
21 - 07 - 2019, 03:12 AM
|
|||||||||||
|
|||||||||||
 ابويا الحبيب بعد التحية في البداية معرفش أنت سامعني ولا لأ! كتير حواليا بطلوا يكلموك عشان فقدوا الأمل انك ترد.. واكتر منهم بطلوا يتكلموا لانهم شاكين انك سامع اصلاً.. وبم أن الجوابات الكتير اللي بعتهالك قبل كدة لسا ماردتش عليها، فا أنا قررت ابعتلك اخر جواب.. يمكن .. يمكن ترد! كان نفسي اقولك اشكرك على كل حال ومن اجل كل حال، بس بصراحة مش قادر.. ومش حاسس اني في حاجة قدامي تستاهل الشكر.. فا الواقع زي ما أنت شايف بقى صعب اوي. وكل يوم الضلمة والألم بيزيد والناس بتتعب وتتوه أكتر ، وبيني وبينك حاسس اني هاتوه معاهم وهاييجي وقت وابطل اكتب جوابات ليك.. معرفش ده هايحركك ولا لأ؟ بس أنا فعلاً ابتديت أصدقهم لما يقولوا انك مش حاسس بيا او اني مبقتش افرق معاك؟ وخايف مع الوقت تختفي اكتر من قدام عينيا.. خايف من كتر احباطي ويأسي ابعد واقرر اعيش لوحدي زي ما ناس كتير عملت. أنت عارف يارب اني بحبك، بس عارف برضو أن الاسئلة والافكار جوايا مابترحمش. . وعارف ان الهروب وسط الناس والزحمة مبقاش يجيب فايدة، بقيت احس اني لوحدي وانا مع اقرب الناس ليا، وبقيت اضحك بدل ما ابكي من كتر التعب اللي حوايا.. بس مبقتش قادر اكمل كدة.. مبقتش مرتاح في الهروب، يمكن لو ماكنتش قابلتك وجربت اعيش مبسوط معاك مكنتش هاحس بالفرق دلوقتي وكنت هابقى عايش وخلاص زي ما الناس عايشين.. يمكن لو مكنتش طمعتني فيك وفي الحياة جنبك مكنتش هاتبقى فارق معايا دلوقتي وكنت هامشي من البداية. أنت عارف المشكلة في ايه دلوقتي؟ المشكلة اني اعرفك. . المشكلة اني مبقتش اقبل فكرة الحياة من غيرك. . من غير وجودك..!من غير ما اتكلم معاك واحس انك جانبي دايماً .. وخايف مع الوقت اتعود انك مش موجود.. واكمل في حياة بهتانة ملهاش طعم.. واهي عيشة والسلام.. وهاييجي يوم هانموت.. اسف اني اتكلمت كتير.. بس مبقاش عندي غيرك اشكيله.. لان كل واحد دلوقتي فيه اللي مكفيه ومحدش قادر يسند التاني. . وحتى اللي بيقولوا انهم مؤمنين وانهم تبعك ويعرفوك.. بقوا متعبين اوي يارب.. عايشين في وادي تاني ومش حاسين بحد غيرهم . كلامهم محفوظ وتشجيعهم بقى ماسخ اوي يارب.. مستحيل تكون انت اللي باعتهم.. مستحيل! مش عايز اطول عليك لأني عارف انك عندك جوابات تانية كتير محتاج تقراها.. بس عايز اقولك انه برغم اني زعلان منك شوية واني مابقتش فاهمك زي زمان. . بس أنت وحشتني.. وحشني صوتك وابتسامتك بتاعة زمان.. وحشني وجودك وكلامنا اللي مابيخلصش.. ومش عارف مين اللي بعد عن التاني.. أنا ولا أنت.. بس اللي اعرفه أني مش هابطل ادور عليك واكلمك حتى لو فضلت ساكت.. وهافضل ابعتلك في جوابات مش هايأس.. وهافضل مستنى الرد .. لأني عارف انك هاترد.. 
|
|
22 - 07 - 2019, 01:55 PM
|
رقم المشاركة : ( 2 ) | ||||
|
† Admin Woman †
|
رد: جواب ليسوع
وهافضل ابعتلك في جوابات مش هايأس.. وهافضل مستنى الرد
.. لأني عارف انك هاترد.. مشاركة جميلة جدا ربنا يبارك حياتك |
||||
|
|
|
23 - 07 - 2019, 12:18 AM
|
رقم المشاركة : ( 3 ) | ||||
|
..::| الإدارة العامة |::..
|
رد: جواب ليسوع
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| هل من جواب |
| جواب |
| جواب |
| يلا نكتب جواب ليسوع |
| يلا كلنا نكتب جواب ليسوع |
العرض العادي
