|
 |
 |
 |
|
رقم المشاركة : ( 1 )
20 - 07 - 2019, 04:02 AM
|
|||||||||||
|
|||||||||||
 جربت تحط نفسك مكان يوسف...؟؟؟ يوسف ياعم.... أيوة يوسف إبن يعقوب.... أهو يوسف دة كان المفروض يكون أكتر واحد واخد على خاطره من ربنا.... أومال.... يوسف اللي وثق في ربنا إخواته رموه في بير من بعد ما كانوا عاوزين يقتلوه أصلاً..... يوسف اللي وثق في ربنا دة إخواته طلعوه من البئر وباعوه للإسماعيليين ذي العبد.... يوسف اللي وثق في ربنا دة واحدة إتبلت عليه وظلمته وإترمى في السجن علشان طهارته.... الصراحة أنا لو مكان يوسف هاقول لربنا : إنت فين يارب في كل دة....!!!! إنت فين وسط كل الظلم والألم دة....!!!! إزاي أبقى بطيعك وماشي في خوفك وتقف تتفرج عليا وأنا بتظلم وتسكت....!!!!!! والحقيقة يا جماعة أنا هاعذر نفسي وهاعذر أي واحد يفكر كدة... . يعني بالعقل كدة هو ربنا كان متلذذ بالظلم والمرمطة اللي يوسف فيها....!!!! مع الوقت إكتشفت الحكاية دي بقى: إن الله بيحضر معانا لحظات الألم.... وبيتضايق لوجعنا.... والكلمة مش مجازاً.... فعلاً ربنا بيحس بإحساسنا بس بيتركنا للألم علشان نجتاز خبرة الألم . الحكاية عاملة ذي أب ماسك إبنه الرضيع ياخد الحقنة. مستحيل الأب يكون فرحان وهو شايف الطفل بيصرخ من الوجع لكن في نفس الوقت هو عارف إن الألم دة ضروري لشفاء إبنه الألم هو الخبرة اللي بنضطر نخوضها علشان نختبر إيماننا بالمسيح والإختيار دة مش حاجة سهلة أبدا... الإختبار دة هو التزكية اللي بناخدها علشان ننال بيها أكاليل الفرح في الفردوس.... وهو دة اللي يوحنا الحبيب قال عنه في الرؤيا ( ويمسح الله كل دمعة من عيونهم ) الألم اللي يوسف مر بيه والإختبار اللي يوسف نجح فيه هو اللي زكاه مش بس إنه يكون فرعون مصر الفعلي لكن كمان هو اللي زكاه إنه يقدر يحضن إخواته اللي باعوه ويحتضنهم في ألمهم ويخليهم يعيشوا في مصر بدون ماحتى يفكر ينتقم منهم..... كل اللي حصل ليوسف من بعد السجن كان نتيجة التزكية دي..... صديقي العزيز.... إحرص إنك تكون واعي ويقظ حتى في أحلك لحظات الألم.... لإن الله حاسس بوجعك والإختبار دة هو تزكيتك الحقيقية في إكليلك..... 
|
|
20 - 07 - 2019, 12:42 PM
|
رقم المشاركة : ( 2 ) | ||||
|
† Admin Woman †
|
رد: الله بين الشر والألم
صديقي العزيز.... إحرص إنك تكون واعي ويقظ حتى في أحلك لحظات الألم....
لإن الله حاسس بوجعك والإختبار دة هو تزكيتك الحقيقية في إكليلك..... مشاركة جميلة جدا ربنا يبارك حياتك |
||||
|
|
|
21 - 07 - 2019, 03:51 AM
|
رقم المشاركة : ( 3 ) | ||||
|
..::| الإدارة العامة |::..
|
رد: الله بين الشر والألم
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الله يعرف تفاصيل التجربة والألم |
| يا يسوع المسيح امحي ظلمة الشر والحزن والألم |
| ويشرق لك الله بالرجاء والأمل من جديد |
| عوض الله سينسيك البكاء والألم |
| الشر والألم !! |
العرض العادي
