|
 |
 |
 |
|
رقم المشاركة : ( 1 )
10 - 07 - 2019, 01:46 PM
|
|||||||||||
|
|||||||||||
|
لو كنت مسافر على الطرق السريعة خلي بالك  جميع الطرق السريعة فى مصر و الطرق الرئيسية داخل مصر مصنفة عندنا فى هيئة الاسعاف بنوعين ولونين من النقاط والاكواد وهم : نقط حمراء و نقط سوداء النقط الحمراء ؛ هى بعض الاماكن المعينة فى طريق سريع ما بيحصل فيه حوادث لكن ليست مميتة النقط السوداء : هى بعض الاماكن على طرق ما بتحصل فيها حوادث لكن حوادثها مميتة زى ايه يعنى؟ 1 - طريق الكُريمات فيه نقاط سودا كتير يعنى حوادث مميتة كتير 2 - ملفات الغردقة و الزعفرانة سيئة جداااا وكلها اسود و احمر 3 - بعض الاماكن على الاوتوستراد والدائرى فيها مناطق سودا ومناطق حمرا يعنى على امتداد الاوتوستراد والدائرى حوادث بتحصل وفى بعض الاماكن اصابات بس وفيه اماكن حوادث قاتلة نصيحة للناس الى بتسافر السخنة والغردقة و شرم الشيخ ياريت حضرتك متعملش ناصح وتسافر باليل ليه بقى متسافرش بالليل؟ علشان حوادث النوم و انعدام الرؤية واخطاء الغير . حضرتك مفيش حاجة اسمها نطلع بالليل فى الطراوة علشان نلحق اليوم من اوله . مفيش يوم هتلحقة من اوله !! حضرتك تقوم الصبح بدرى تسافر اوك انما تسافر باليل فحضرتك معرض انك تنعس او عربيات جاية فى وشك سواقها ينعس او ييجى واحد سواق نقل ماشى وراك ينعس فيدهسك وده بيحصل كتير جدا ثانيا : ابوس ايد حضرتك بما انك طالع تصيف فاكيد مش طالع لوحدك . عربيتك مليانة قدام و ورا نشغل عقلنا شوية فى قوانين الفيزياء حمولة عربيتك كبيرة فا الفرملة الى كنت بتدوسها علشان توقف عربيتك وانت لوحدك مختلفة عن الدوسة الى هتدوسها علشان توقف كتلة عربيتك و هي فيها 5 . سرعتك متعديش 100 الى 120 علشان لو طلع قدامك حد وفرملت وانت مركب 5 اشخاص مثلا فالفرامل مش هتلحقك وهتخبط او هتتقلب لا قدر الله, طبعا انا متكلمتش على ان عربيتك حديثة او لا لو قديمة فتفوق كدة وتصحصح وتمشى بالراحة ثالثا : مفيش حاجة اسمها ان كاوتشات عربيتك مليانة هواء من النفخة ام جنية انت بتهرز تروح حضرتك على اى بنزينة محترمة وتروح تنيم ال4 كاوتشات على الارض و تنفخ الكواتشات كلها نيتروجين,هتدفع 5 جنية عن كل عجلة فيهم بس الموضوع مهم ليه مهم؟ علشان الهواء الي جوه الكاوتش بيتمدد اثناء السواقة خصوصا على الاسفلت السخن فا الكاوتشات بتضرب و ممكن تتقلب. النيتروجين غاز لا يتمدد فا امان اكتر, يا رب نسمع الكلام رابعا :حزام الامان الى عندك ده تلبسة ومتقلعوش انت والى معاك فى العربية قدام وورا وانا كتبت بوست فى الموضوع ده قبل كدة و قلتلك بعد الشر يعنى لما عربية بتتقلب بيكون الناس الى فيها ومش رابطة حزام الامان عاملين زى شوية الغسيل فى الغسالة الاوتوماتيك كله بيتقلب ويتهرس فى بعضة ربطك لحزام الامان . بيقلل من حدوث الوفاه جداااا و كمان بيقلل من الاصابات الخطيرة و الى مش عاجبة حزام الامان ميركبش معاك الطلعة دى انا بقولك اهو حياتك وحياة اسرتك مهمة خامسا : عربيتك لا تصلح للسفر , متسافرش من الاخر كدة تروح تكشف على تيل الفرامل بتاعك قبل السفر . لقيت التيل متاكل متسافرش انما تقول ربنا يستر فا يبقى انت عبيط وش سادسا :عوامل التشتيت مراتك قاعدة جمبك, خطيبتك قاعدة جمبك, امك ابوك اخوك اختك ابنك قاعدين جمبك و بيكلموك, اوك ودنك معاهم, عينك على الطريق متسيبهوش تاني هقول, ودنك معاهم الكلام بيتسمع مبيتشافش عينك متتشالش من على الطريق علشان الحادثة بتحصل فى لحظة متسافرش على طريق جديد مختصر لسه متسلمش من الحكومة علشان مش هتلاقى عليه اى خدمات ولا حتى شبكة تليفون والرب يسوع المسيح يحفظ حياتكم ودخولكم وخروجكم ويردكم الى بيوتكم واسركم بكل سلام وامان 
|
 |
|
العرض العادي
