ويكون الاثنان جسدا واحدا ( تك 24:2 )
وارد جدا ان اي اتنين متجوزين يتخانقوا يزعقوا يختلفوا مع بعض
وبعد كده خلاص يتصالحوا ويتصافوا ويضحكوا ولا اكن حصل حاجة
والناس دايما شايفينهم كويسين ويستغربوا ايه ده هو انتوا مابتزعلوش مع بعض خالص ولا بتتخانقوا
هما بس مايعرفوش كم الازمات والمعاناه والمعافره اللي مرت بيكم وانتوا مع بعض ومكملين
بتحافظوا علي حبكم علي بيتكم علي الزرعه اللي بتسقوها كل يوم من تعب وعرق وكد وكفاح وحب
مايعرفوش المذبح العائلي اللي موجود في بيتكم
اللي بتيجوا كل يوم مع بعض وتفرغوا فيه كل تعبكم وطلباتكم واهتمامتكم وحزنكم وفرحكم
مايعرفوش ان الحب والجواز يعني تضحيه وبذل وكل واحد عايز يسعد الاخر
مش عايز هو بس يفرح علي حساب الاخر
مهما حصل بينكم صلوا مع بعض كتير
استشيروا ناس متخصصة في المشورة الاسريه
اوع تدي ودنك لطرف تالت مالوش فيه ويلغبط حياتكم
امسك ايديها وتبت فيها اوي وقولها
احنا مش اتنين احنا واحد
وبنعمه ربنا مهما حصل احنا مكملين
