لما تكوني مخلفة بنت

[walaa farouk]

لما تكوني مخلفة بنت
هتبقي عايشة مع ماميز البنات
والاختلاف بين ماميز البنات وماميز الولاد فظيع وكبير وشنيع
ماميز البنات بطريقة ما تحسهم بيشربو شامبو اول ما بيصحو من النوم
ماميز الولاد فيهم شئ من العملية وتقدير الوقت شوية
انما ماميز البنات اجارك الله
تبقي متفقة معاها علي ميعاد تمرين مثلا الساعة 1 تجيلك تلاتة ونص
وهي بتنهج ومقطوع نفسها وتقولك بكل استهبال معلش اصل توتي
ماكنتش راضية تنزل بالاوباك علي سكيرت قصير والكاردي معجبهاش
ودوخت علي ما لقيتلها الخلخال الاوكسيديه
ماميز الولاد بقي دي ست الكل الولد بيتزحلق من السرير يقع في البنطلون
والتيشرت وننزل الله عليك يافخر العرب
ممكن تسألي ماميز البنات مثلا
حبيبتي الجاكيت ده حلو قوي منين عاوزة اجيب لتوتة
والله يا حبيبتي ده خالها جابهولها من جبال الانديز ودي كانت اخر قطعة 😏
الشراب ده بابا جابه لنولة من رحلته في المانيا
مامي بتجبلها الاندر من بلاد ما وراء النهر
اللي هو انسي ان اقولك جملة مفيدة عشان بنتك متخطفش عرش الاناقة من بنتشي
انا فاكرة مرة غلطت وقولت قدام كام ام كده ان الجاكيت ده من عند ابو نسمة
كلهم بصو لبعض نظرات ذات مغزى اللي هو ايه الست البيئة دي
طول مانتي قاعدة وسط ماميز البنات هتسمعي لغة غريبة شوية
انا لسة عاملة لتوتي بلازما في شعرها وبرضه ناشف
توتي اللي هي لابسة بامبرز هناك دي
اه يا حبيبتشي لازم اهتم بشعرها مقدرش اسيبه هايش
ده غير طبعا اننا عايشين في سباق ماركات طول النهار مين في مدرسة اغلي
مين معاه شنطة اغلي مين بيشتري منين
لدرجة ان امبارح بنتي كان معاها عروسة بتلعب بيها
واحنا في النادي جات بنت تانية عايزة تاخدها منها لسة بقول لتويا اديلها تلعب معاكي
لحقتني الأم وقالت لبنتها عروسة إيه اللي عايزاها منها دي لا ماركة ولا براند وانتي عندك احسن منها
مرضيتش ارد واخدت بنتي ومشيت علي صوت عياط الطفلة التانية
وهي بتقول مش عايزة ماركة عايزة العب معاهااااا
ايها الماميز الحياة بسيطة بس انتو مكلكعين بزيادة

[Mary Naeem]

ايها الماميز الحياة بسيطة بس انتو مكلكعين بزيادة

صح يا قمر
ربنا يباركك حببتي

[walaa farouk]

ميرسى على مرورك الغالى