| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
01 - 05 - 2019, 05:00 PM
|
||||
|
||||
 كنت أرمي كل اللي جوايا قدامه واقوله "ها يارب هاتعمل ايه في الموضوع ده؟ وهاتتصرف ازاي في التحدي ده؟ وهاتتعامل ازاي مع الظروف دي؟ " وببقى هاموت واعرف اجابته على الاسئلة دي! بس في المقابل كان بيسكُت، أو على الأقل مابيجاوبنيش باللي أنا مستنيه . دايماً لما كنت أخلص كلام واسكُت وزحمة افكاري كدة تهدا، كان ييجي في الآخر بطيف خفيف وصوت هادي يتكلم جوايا بكام كلمة بسيطة.. كان لما يرُد، رده بيكون مُحدد وبسيط وكأنه شايف أن حل مشكلتي وخوفي في الكلمة دي.. "لا تخف، أنا أكون معك"! بس كدة يارب؟ طب والمطحنة اللي انا داخل فيها؟ والحرب اللي جوايا وبرايا مابتهداش؟ والظروف اللي بتضيق والاحباطات اللي كل مدى بتتقل وتثبت جوايا؟ والتوهان والنسبية في كل حاجة؟ مش هاتجاوب؟ مش هاتطمني بحاجة عن اللي جاي؟ بس برضو كان بيفضل ساكت مايجاوبش.. وكأنه عايز يقولي.. "يا حبيبي افهم.. مش ده اللي انت محتاجُه، وإجابات أسئلتك دي مش هي اللي هاتنفعك أو تشفي الخوف اللي جواك. . مش ده الحل.. ومش دي الإجابة! اجابتك ببساطة هي "أنا".. حَل خوفك مش في رؤية المستقبل، حَل خوفك في وجودي معاك لحد ما توصلّ للمستقبل ده. " والغريبة انه بعدها مكنش بس الخوف بيروح، لكن الأسئلة والقلق اللي جوايا بيهدوا ويسكتوا ، وكأن الحل فعلاً مش في معرفة أو رؤية للي جاي، الحل هو معرفتي بيه ورؤيتي ليه وسط كل ده.. وبقى ده الحوار اللي بيدور جوايا كل ما اتضغط او ايأس.. - طب والعمل في اللي جاي؟ - امرُه يتدبر.. - طب والظروف مش هاتتحسن بقى؟ - اكيد هاتتحسن في وقت، بس ياريت ماتعتمدش عليها اوي او تطّمنله ا عشان مش ثابتة ومش مضمونة! - طب والناس مش هايسندوا شوية؟ - ممكن.. عشان كدة حبّهم واستمتع بحبهم ليك . بس ماتترميش عليهم اوي لانهم محدودين وليهم طاقة، في الاخر دول "بشر"! - طب على كدة ايه اللي يطمن؟ - مفيش، كله محدود ونسبي ومُتغيّر.. كله كل شوية برأي وحالة وتفكير.. لكن هو بس اللي يطمّن لأنه ثابت ومابيتغيّرش، هو بس اللي تترمي عليه وانت عارف انه مش هايخذلك ابداً.. اما عن الواقع فا بكرة يتظبط.. والناس هاتيجي وتمشي . . والأسئلة تختفي ويظهر غيرها.. والشكوك تهدا وتقوم تاني.. بس ده مش المُهم، المهم انه لما تعدّي في كل ده.. يكون هو معاك فيه! 
|
|
#2
01 - 05 - 2019, 05:02 PM
|
||||
|
||||
|
اما عن الواقع فا بكرة يتظبط.. والناس هاتيجي وتمشي . . والأسئلة تختفي ويظهر غيرها.. والشكوك تهدا وتقوم تاني.. بس ده مش المُهم، المهم انه لما تعدّي في كل ده.. يكون هو معاك فيه! مشاركة جميلة جدا ربنا يبارك حياتك
|
|
#3
01 - 05 - 2019, 07:52 PM
|
||||
|
||||
|
ميرسى على مرورك الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| اخترت أن أكون الأقل في السماء عن أن أكون الأول في هذا العالم | Mary Naeem | أقوال الأباء وكلمة منفعة | 0 | 24 - 05 - 2023 08:18 AM |
| تبقي عنده مشكلة الذات: ماذا أكون؟ ومتى أكون؟ وكيف أكون؟ | Mary Naeem | كنوز البابا شنودة الثالث | 0 | 26 - 02 - 2022 03:46 PM |
| يا الهي قد أكون يهوذا قد أكون عماني ألمال فبعتك | Mary Naeem | موسوعة توبيكات مميزة | 0 | 27 - 09 - 2021 06:29 PM |
| إني أفضّل أن أكون فقيراً لأجلك على أن أكون غنياً بدونك | sama smsma | موسوعة توبيكات مميزة | 3 | 10 - 01 - 2015 06:07 PM |
| أنا أستقيل من الإنسانية .. لم أعد أريد أن أكون و لم أعد قادرا على أن أكون إنسانا .. | Mary Naeem | موسوعة توبيكات مميزة | 0 | 22 - 09 - 2014 04:54 PM |
العرض العادي
