|
 |
 |
 |
|
رقم المشاركة : ( 1 )
24 - 04 - 2019, 04:36 AM
|
|||||||||||
|
|||||||||||
 حد عارف "باراباس" ؟؟ أيوه الحرامي دا اللي كان محكوم عليه بالاعدام.... و الشعب اختار انه يتفك و المسيح هو اللي يتصلب !! و أنا بقرأ بالصدفة عرفت ان "باراباس" معناه "ابن الأب" أو "ابن المُعلم" شوفت المفاجأة ☺️ و من هنا بقي اقدر اقول اننا (كلنا باراباس) ..! واتاري القصة اكبر من حرامي خد براءة و خلاص و اتاري المسيح رتب كل حاجة عشان باراباس مخصوص... - مكنتش تقدر تخلص نفسك؟؟ ... "باراباس كان هيموت" - مكنتش تقدر تتصلب فى يوم تانى مثلا؟؟ ... "باراباس برضو كان هيموت" - مكنش ينفع تتصلب علي طول من غير حركة بيلاطس دي ولا اختيارات من الشعب؟؟ ... "باراباس كان هيموت" - طب مكنتش تعرف تخليهم يفرجوا عنك انت؟؟ ... "بقولك باراباس كان هيموت " و اتاري عايز يقول لكل واحد من ولاده القصه مش مجرد حد اتصلب مكانك و خلاص .. دا حد بيدافع عنك بكل "استماتة " بالمعنى الحرفي للكلمة .. أب حقيقي كل همه يلحق "ابنه" حتي لو ف اخر لحظة ليه شخص عجيب قوى بيعرف يحب ويحب و يحب لحد الموت حتي بيفضل مستنى و مستني ومابيملش أبدا كل همه بس ان "باراباس" مايموتش اللص و الزانية و العشار و باراباس دول مش أمثلة ولا حواديت .. دول "واقع" حصل بالفعل و لسة بيحصل معانا الاحداث دي بس اتقالت عشان تعرفنا صفات ابونا و هيعمل معانا ايه لما نبقي لص و زانية و بارباس محكوم عليه بالموت قصة "باراباس" بتقولنا ان الفداء دا مش حاجة كدا بالجملة للكل دي حاجة مخصوصة اوي...حاجة باسم كل واحد لوحده أب بينزل يلحق بارباس بالذات من الموت يتحط مكانه مش مهم...المهم باراباس مايموتش محبة تغرقك و تكفيك طول حياتك... أمان و ثقة ان أب زي دا ف ضهرك دايما.. رجاء إنه هيلحقك حتي لو ف اخر دقيقة...حتي لو هيأخر عملية عظيمة زي الفداء عشان يلحقك انت بالذات انت ابنه...و هو معاك انت بالذات |
|
24 - 04 - 2019, 02:56 PM
|
رقم المشاركة : ( 2 ) | ||||
|
† Admin Woman †
|
رد: باراباس كان هيموت
رجاء إنه هيلحقك حتي لو ف اخر دقيقة...حتي لو هيأخر عملية عظيمة زي الفداء عشان يلحقك انت بالذات انت ابنه...و هو معاك انت بالذات كلنا باراباس |
||||
 |
|
| قد تكون مهتم بالمواضيع التالية ايضاً |
| الموضوع |
| لو كنت هنا ماكانش هيموت |
| شاطئ إيلوت غابرييل |
| هيموت |
| رأيت يسوع-لعب دور باراباس فى فيلم(آلام المسيح) فآمن بالمسيح-من باراباس الى يسوع |
| هيموت بحظرته |
العرض العادي
