جاكومو جروبى
جروپى سليمان باشا
چاكومو جروپى (Giacomo Groppi) (اتولد 1863 - مات 1947) كان حلوانى سويسرى هاجر لمصر سنه 1884، و نجح مع ابنه أكيللى فى تأسيس شركه باسم عيلته جروبى و كان أول واحد يدخل الچيلاتى (ايس كريم) مصر. ليه فروع منتشره فى اسكندريه من سنة 1890 و بعدين عمل فروع فىالقاهره سنه 1909 و 1925. ليه فرع فى ميدان طلعت حرب (سليمان باشا زمان)، و فرع فى شارع عدلى. ابنه اكيللى اسس محل الامريكين، كبديل لمحل جروبى للافنديه و الموظفين و الطلبه اللى ماكنتش امكانياتهم الماليه بتساعدهم على دخول جروپى و شرا حاجات منه و اللى كان محل العيله المالكه للحلويات و المحل اللى الباشوات و اللى معاهم فلوس بيشتروا منه.
"شيزار" و"بيانكى" آخر ورثة المحل عن جدهم ومؤسسه "جروبى" باعوا المحل للشركة العربيه للأغذيه سنه 1981 . الشركة العربيه للأغذيه , عبد العزيز لقمة، مؤسس مجموعة لقمة، مالكته الحالية، حافظت علي طابع المحل التقليدي من حيث الشكل والمضمون.
دخل جروبى لمصر كمان انواع جديده من الحلويات زى
الكريم شانتى
المارون جلاسيه
چيلاتى
الميل فوى
الاكلير
البول دى شوكولاه
فروعه
ميدان طلعت حرب – وسط البلد
حديقة جروبى – شارع عدلى وسط البلد
شارع الاهرام – روكسى مصر الجديدة
كان له فرع بمدينة الاسماعيلية بشارع السلطان حسين
