|
 |
 |
 |
|
رقم المشاركة : ( 1 )
24 - 03 - 2019, 09:03 PM
|
|||||||||||
|
|||||||||||
 أخيراً الربيع بيقرب، وبنرمي الشتا ورا ضهرنا، الشمس والدفا والورد ابتدا يفتح واخيرا الدنيا هتتملي ألوان من تاني. لكن الطبيعي كمان ان الربيع والورد بيجيبوا معاهم زوار مخصوصين اوي. ..نحل ودبابير...شيء لزوم الشيء! حاول تتخيل معايا نحلة او دبور دخلوا البيت، او المكتب أو قاعة الاجتماعات ...هتلاقي الكل بيتوتر فجأة، راسه بتلف وجملة واحدة بتتردد "هي النحلة راحت فين؟!" والصراحة انا باستغرب ازاي كائن صغير كده ممكن يقلب المكان رأساً على عقب! فجأة محدش بيكون فارق معاه بنتكلم في ايه ولا حجم القرارات المهمة اللي احنا مجتمعين علشانها، دة حتى ممكن ناس تقوم من مكانها وناس تانية تطلع فوق الكرسي او ورا الستارة ولا فارق معاهم مركز ولا سن! وبعدين تلاقي واحد قام بشويش على طراطيف صوابعه، ويروح مقرب من الشباك ويفتحه بالراحة ويخرج النحلة! وفي اللحظة دي بس الكل يتنهد بارتياح واللي فوق الكرسي ينزل واللي تحت الترابيزة يطلع والحمد لله عديت على خير!!! وطبعا كل ده لأن قرصة واحدة من النحلة ممكن تعذبك يومين تلاته، وبصراحة انا مشفتش ولا انسان واحد ممكن يختلف على خوفه من قرصة نحلة!!! لكن تعرف ايه اللي شبه النحلة؟! الخطية! ايوة الخطية قرصتها بتوجع بالظبط زي النحلة ، بل ان ألم الخطية بيوصل لأعماق اكبر بكتير من مجرد قرصة نحلة على جلد انسان! وتخيل معايا حياتك كانت هتبقى قد ايه كلها سلام وراحة لو عرفت تحدد فين "الخطية" وتطردها تماما برا حياتك! وعلشان اكون عملي، أنصحك وقت الصلاة.. دور كويس داخل بيتك(نفسك) وفتح ودانك اوي (للروح القدس) وحدد ايه اللي بيحوم علشان يؤذيك(الخطية) وبحكمة قرب من اقرب شباك (بالصلاة) واطردها النحلة (الخطية) برا البيت بسرعة. وعاوز نصيحتي ، اوعى تفتح الشباك تاني بسرعة، لانك ساعتها هتكون عارف كويس ايه اللي ممكن يدخل! الموضوع صعب طبعاً...أنا عارف كده كويس لكن وعده أنه دايماً جنبك، وبيقدملك روحه، الروح اللي تقدر بيها تستمتع بالانتصار، ، وكل اللي عليك انك تصلي بكل امانة! خلينا نصلي ونفهم كلام بولس الرسول، ازاي ممكن الخطية تتسلط وتحني الانسان تحتها! وبعد شوية تبطأنا وتعطلنا فمنقدرش نوصل لأهدافنا! والاية تقول، لنَطرَحْ كُلَّ ثِقلٍ، والخَطيَّةَ المُحيطَةَ بنا بسُهولَةٍ، ولنُحاضِرْ بالصَّبرِ في الجِهادِ المَوْضوعِ أمامَنا، (العِبرانيّينَ 12:1 AVDDV) ويبقى اللي علينا، نحدد مكانها، ونصلي ونطرد ونقاوم...في اسم يسوع، آمين! خلينا منورين 
|
|
25 - 03 - 2019, 03:06 AM
|
رقم المشاركة : ( 2 ) | ||||
|
..::| مشرفة |::..
|
رد: الدنيا ربيع والنحل بديع
ربنا يبارك حياتك وخدمتك
علي فكرة حصلت معايا فتحت باب الشقة لقيت نحلة وكأنها مستنياني مسكت رقبتي واصبحت بصرخ من الالم الشديد اللي بيها وفجأة وجدت النحلة تطير رهبة من صوت صراخي �� لكن الحقيقة انها طارت مش فزع من صوتي هيا تركت رقبتي فزعا من الصوت القائل لها لا تمسيها بسوء .....بس كان يوووم هههه شكرا علي الموضوع الجميل عرفت ليه قرصتني... فكرتيني باللي حصلي وبالاخص بمراحم ربنا العظيمة ربنا يفرحك |
||||
|
التعديل الأخير تم بواسطة نرمين واصف ; 25 - 03 - 2019 الساعة 03:13 AM |
|||||
|
|
|
25 - 03 - 2019, 10:39 AM
|
رقم المشاركة : ( 3 ) | ||||
|
† Admin Woman †
|
رد: الدنيا ربيع والنحل بديع
ممكن الخطية تتسلط وتحني الانسان تحتها! وبعد شوية تبطأنا وتعطلنا فمنقدرش نوصل لأهدافنا!
والاية تقول، لنَطرَحْ كُلَّ ثِقلٍ، والخَطيَّةَ المُحيطَةَ بنا بسُهولَةٍ، ولنُحاضِرْ بالصَّبرِ في الجِهادِ المَوْضوعِ أمامَنا، (العِبرانيّينَ 12:1 avddv) ويبقى اللي علينا، نحدد مكانها، ونصلي ونطرد ونقاوم في منتهى الجمال يا قمر ربنا يباركك |
||||
|
|
|
25 - 03 - 2019, 10:08 PM
|
رقم المشاركة : ( 4 ) | ||||
|
..::| الإدارة العامة |::..
|
رد: الدنيا ربيع والنحل بديع
ميرسى على مروركم الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اغنيه الدنيا ربيع والجو بديع بلغة الإشارة |
| الدنيا ربيع |
| الدنيا ربيع |
| الدنيا ربيع |
| الدنيا ربيع |
العرض العادي
