تعالوا نتأمل فى صلاة غروب

[مورا مرمر]

كل واحد فينا بيحب يحس بالصلاة وصلاة غروب من اجمل الصلوات

اصل بتغرب فيها كل حاجة عدت علينا سواء كانت حلوة او مش حلوة

وبنشكر ربنا على كل حاجة بتعدى علينا .انهارده بجد حبيت اشارككم

فى تأملات لصلاة غروب وقولنا "تعالوا نتأمل فى صلاة غروب "كل واحد

فينا بيصلى مزموره المفضل اكيد علشان المزمور بيعبر عن اللى جواه من احاسيس ومشاعر وكمان صلوات .
صلوات المزامير بتعبر عن صلوات عميقة جدا فتعالوا كل واحد فينا يتأمل فى مزموره المفضل كل واحد هيكتب بيحس بأيه لما بيصلى المزمور اللى بيحبه ويتأمل معانا هيساعد كل واحد فينا يحس بعمق الصلاة وهكذا فى الانجيل والقطع والتحليل تعالوا نبدأ :-

المزمور 125 بالاجيبية

"عندما رد الرب سبي صهيون، صرنا مثل الحالمين

حينئذ امتلأت أفواهنا ضحكا، وألسنتنا ترنما. حينئذ قالوا بين الأمم: إن الرب قد عظم العمل مع هؤلاء

عظم الرب العمل معنا ، وصرنا فرحين

اردد يارب سبينا، مثل السواقي في الجنوب

الذين يزرعون بالدموع يحصدون بالابتهاج

الذاهب ذهابا بالبكاء حاملا مبذر الزرع، مجيئا يجيء بالترنم حاملا حزمه"


دا مزمورى المفضل وشايفة ان اكتر عنوان يليق بيه هو "النصرة "كلمات المزمور بتدل على انتظار مفرح ومصحوب برجاء كبير ان ربنا هيعوض وهيرجع شعبه عن السبى وهايرجعوا اورشليم وصراحة احنا اورشليم بتاعتنا هى السماء والعيش مع المسيح وساعة مانرجع وطنا الحقيقى لسانا هيكون مليان فرحة وتهليل وضحك وكل الامم هيقولوا "عظم الصنيع معهم "ودى ممكن نقولها فأى مشكلة بنمر بيها ونحس بأيد ربنا معانا وساعتها بنحس بفرح حقيقى

واكتر ايه بحبها وبتعجبنى هى "الذاهب ذهابا بالبكاء حاملا مبذر الزرع، مجيئا يجيء بالترنم حاملا حزمه"لان فعلا اللى بيزرع بالدموع بيحصد فرحان ومترنم وحامل معاه ثماره .صديقى اكيد ربنا هيعوضك عن دموعك وتعبك دا كلامه خد وعد انهارده ان بجد هيعوضك ويجى يوم وتشوف فيه فرح ميتوصفش دا كمان هيحصل على الارض علشان ربنا قال "سياتى يوم يريحك فيه الرب من اتعابك "إش 14: 3
كن واثق فيه وانتظر برجاء .

صلاة "فرح قلوبنا بيك واثقين انك هترجعنا فرحانين وبثمار روحية صالحة ".

من تأملاتى ...
صلوا لاجلى

دلوقتى كل واحد هيبدأيكتب تأمله فى مزموره المفضل وبعدين هنزل الانجيل فى مشاركة تانية ونتأمل مع بعض .

شاركونا بتأملاتكم هيفرق مع كل واحد فينا .

لو الفكرة عجبتكم ارجو ارفعوا الموضوع على مواقع التواصل الاجتماعى علشان الكل يستفاد .

[Ramez5]

موضوع رائع ومثمر
ربنا يفرح قلبك ..

[walaa farouk]

ميرسي على مشاركتك الجميلة
ربنا يفرح قلبك

[مورا مرمر]

المشاركة الأصلية كتبت بواسطة ramez5

موضوع رائع ومثمر
ربنا يفرح قلبك ..

ميرسى لمرورك الجميل
منتظرة تأمل حضرتك ..
هيفرق معانا ..

[مورا مرمر]

المشاركة الأصلية كتبت بواسطة walaa farouk

ميرسي على مشاركتك الجميلة
ربنا يفرح قلبك

ميرسى لمرورك الجميل
منظرة تأملك حبيبتى
هيفرق معانا

[sama smsma]

المزمور 120


رفعت عينى إلى الجبال، من حيث يأتى عوني. معونتى من عند الرب الذى صنع السماء والأرض. لا يسلم رجلك للزلل، فما ينعس حافظك. هوذا لا ينعس ولا ينام حارس إسرائيل. الرب يحفظك. الرب يظلل على يدك اليمنى، فلا تحرقك الشمس بالنهار ولا القمر بالليل. الرب يحفظك من كل سوء. الرب يحفظ نفسك. الرب يحفظ دخولك وخروجك، من الآن والى الأبد هلليلويا

المزمور دة ربنا بيعلمنا فيه اننا ف كل وقت نرفع عينينا لربنا ونتكل عليه هو ومانتكلش على بشر
هو عوننا ودايما عينه علينا لو اشتكينا ليه هايستر عيوبنا مش هايسيبنا نتذل ابدا
سهران علينا يدبر حالنا
يحفظنا ويظلل علينا بايده الحنونة فلا يصيبنا اى مكروه حتى لو وقعنا ف تجارب يحفظنا من كل شر

[اوفا]

فكرة حلوه
ربنا يقويك

[Ramez5]

مزمور رقم 91
الساكن في ستر العلي في ظل القدير يبيت
أقول للرب ملجإي وحصني إلهي فأتكل عليه

من مزامير التعزيات لكل إنسان
بنشوف فيه عناية ربنا يسوع المسيح وحمايته لأولاده
فمن يسلم نفسه لله يحفظه من كل ضرر
ومن كل مؤامرة شيطانية أو هجوم لأي عدو

[walaa farouk]

الرَّبُّ رَاعِيَّ
" الرَّبُّ رَاعِيَّ فَلاَ يُعْوِزُنِي شَيْءٌ "( مزمور 23 : 1 )
مزمور 23 هو مزمور قصير لكنه غزير ، لأنه يتكلم عن الرب الراعي بأعذب العبارات وأرق الكلمات
. وان كان داود ( كاتب هذا المزمور ) هو نفسه راعى إلا أنه في هذا المزمور يرى نفسه خروف لأعظم راعى ،
لذلك يهتف ويقول " الرب رَاعِيَّ " ويالها من كلمة رائعة وعميقة ، فهو لم يقل " الرب راعى أو راعينا "
بل يقول " الرَّبُّ رَاعِيَّ " فهو أسلوب تخصيص وليس تعميم
، وكأن داود يريد أن يقول أن الرب ليس لديه سوى أن يهتم بى ويرعاني أنا
وهكذا يقول كل مؤمن حقيقي بالرب يسوع .
ما أجمل أن يشير الرب إلى المؤمن ويقول له " انت خروفي " ( يوحنا 10 : 27 )
فيرد المؤمن على الرب ويقول له " وانت رَاعِيَّ " .
فكما أن الرب يخصص كل مؤمن له هكذا كل مؤمن يخصص الرب له ،
وهذه هي الملكية المتبادلة أن الرب يكون ملكنا ونحن نكون ملك للرب
وهذا ما عبرت عنه عروس النشيد " أَنَا لِحَبِيبِي وَحَبِيبِي لِي. " ( نش 6 : 3 )
عزيزي : اطمئن لأن الرب يسوع بنفسه هو راعيك الخاص ،
فلا تخف ولا ترتعب لأنه يرعاك بالحب ويحفظك بالقوة
ويضمن سلامة وصولك إلى بيت أبيه ، آمين

[Mina Robil]

(4) المزمور المائة والعشرون
رفعت عيني إلى الجبال، من حيث يأتي عوني. معونتي من عند الرب الذي صنع السماء والأرض. لا يسلم رجلك للزلل، فما ينعس حافظك. هوذا لا ينعس ولا ينام حارس إسرائيل. الرب يحفظك. الرب يظلل على يدك اليمنى، فلا تحرقك الشمس بالنهار ولا القمر بالليل. الرب يحفظك من كل سوء. الرب يحفظ نفسك. الرب يحفظ دخولك وخروجك، من الآن والي الأبد هلليلويا.

المزمور دا فعلا انا بحبة جدا
وديماً بيدينى ثقة وانى مخفش من شىء
لانه بيفكرنى ان ربنا موجود معايا وعشانى بس ارفع عينى ليه
دا كل اللى طلبه منى.

والاية الجميلة دى
الرب يحفظ دخولك وخروجك،

لازم بعد ما اسمعها اطمن بجد



حابب اشكرك على المشاركة الجميلة دى
ربنا يفرح قلبك ديماً