|
 |
 |
 |
12 - 01 - 2019, 01:31 PM
|
رقم المشاركة : ( 31 ) | |||
|
..::| مشرفة |::..
|
رد: معجزات القديسات البنات
خالتى مفيدة
كنا أطفال أنا وخالتى مفيدة بس كانت أكبر منى وكنا فى لعبنا نتخيل إننا راهبات والخاله كانت جميلة جداً ضغطوا عليها تتخطب وهى عايزة تترهبن وقبل الإكليل كانت تبكى قدام صورة العدرا قائلة هايجوزونى يا ام النور وأنا عايزة أترهبن إتجسمت الست العدرا من الصوره وقالت لها: قوللى لأمك إن ماكنتوش ترضوا لى أروح الدير ستى العدرا هاتأخذنى عروس لإبنها يسوع المسيح رب المجد .. أمها قالت دى بتخرف علشان تهرب من الزواج وفعلاً قبل الإكليل بيومين تنيحت كما قالت لأمها... أما بنت أختها تماف إيرينى تعبت جدا وبكت عليها بمراره وحُرقه وهى صاحيه شافت عذارى كتيرلابسين أبيض ومنورين ولابسين صلبان ألماظ وتيجان من ضمنهم الخاله مفيدة فرحت تماف قوى قوى وقالت مخاطبه خالتها إنتى مش مُتِ أُمال إزاى أنا شايفاكى ؟ ومين دول العذارى الحلوين دوّل ؟ قالت لها ربنا سمح تشُوفينا علشان تتعزى ولا تبكى تانى ودوّل عذارى عاشوا بطهاره فى العالم وجاهدوا قالت لها خذونى معاكم.. قالت لها :إنتى هاتكبرى وتترهبنى ويبقى ليكى بنات كتير وبعدين تيجى معانا وإحنا دلوقتى رايحين نحضر الإحتفال بعيد إستشهاد القديسة دميانه وأوعى تزعلى ولا تبكى تانى دا إحنا فرحانين جداً والفردوس جميل خالص وإللى مجمله رب المجد يسوع لما حكت للعائله طلع فعلا يومها عيد إستشهاد القديسه دميانه وتعزى الكل |
|||
|
|
12 - 01 - 2019, 01:31 PM
|
رقم المشاركة : ( 32 ) | |||
|
..::| مشرفة |::..
|
رد: معجزات القديسات البنات
حكايات تماف ايرينى
أمنا إيلاريه كانت راهبه قديسه ومرشحه للرئاسه تبتدى يومها الساعه 12 وتقعد طول الليل تسبح وتصلى راحت السماء وهى راكعه بتعمل التسبحه ففى راهبه زعلت عليها قوى وكانت دايماً بتبكى عليها .. وهى بتصلى جالها ملاك ورشم الصليب وقال لها إرشمى الصليب انا هاخدك رحلة للفردوس تشوفى القديسه إيلاريه ... طلعوا لفوق رأسياً ثم إتجهوا أفقياً لقيت نفسها فى مكان جميل مليان خضرة زى القطيفة مكان مليان فرح وسلام فيه ممرات يفصل بين كل ممرين نهر باللورى وكل واحد من القديسين واقف فى ممر وفى نهايته يرى رب المجد فى بهاء عظيم. الملاك تركها مع أمنا إيلاريه وهى قالت لها ليه تبكى عليّ وأنا فى مجدً عظيم وراحه وسلام وكلمتها عن السما وحلاوتها وقالت لها : إللى جنبك خضرته أكتر منك قالت لها ! علشان أنا كنت بخيلة محبش أسلف حاجتى ولو لقيت حد محتاج حاجة لا أهتم ... الراهبه قالت له نفسى أروح لرب المجد ردت عليها .. لا مينفعش لأنك جايه بالجسد تحرقك نار اللاهوت بَصت الراهبه لقت الملاك جاى وأخدها لرب المجد وكل ما تقترب منه تحس بفرح لا ينطق به وتتملى سلام وتحس بحراره تلسع وجهها..... يتدفق من عينه حب وحنان وعطف ورقة مليان أبوه وكان نفسها تترمى فى حضنه وقالت له يا رب مش عايزه أسيبك تانى قال لها لسه لكى رسالة لما تكملى خدمتك هاتيجى "أنا معاكى ماتخفيش " وقال للملاك وريها مواضع القديسين ومكان أبوها وأمها الأتنين مكانهم جميل لكن الأم مكانها أحسن علشان كانت أكتر بساطه ونقاوة وبعدين الملاك مِسك إيدها ومشوا أفقى ثم رأسى لأسفل ورجعها قلايتها وقعدت بعدها وشها منوّر شهرين .. لحظات شافت رب المجد فيها وشها ظل منوّر شهرين فما بال أولادنا إللى سبقونا ومتمتعين بحضن ربنا ومتمتعين بالفرح والسلام والمجد يبقى إزاى نزعل عليهم والراهبه دى قعدت سنه كامله متعزيه جداً مهما حصل من ضيقات ومتاعب أو أمراض . |
|||
|
|
|
12 - 01 - 2019, 01:32 PM
|
رقم المشاركة : ( 33 ) | |||
|
..::| مشرفة |::..
|
رد: معجزات القديسات البنات
حكايات تماف ايرينى
الأنبا مكاريوس كان قديس كبير لكن قداستة مش ظاهره قوى وكان طيب وفى نفس الوقت حكيم وكان بسيط ومتضع جداً مع انه أسقف إلا أنه منكر لذاته يحب ربنا ويكتمل قانون صلواته وميطانياته مهما كان مريض أو كبر سِنه وكان صريح وواضح وإللى فى قلبه على لسانه ويعمل رحمه كتير ويعطف على الكهنه وكان بيبنى كنيسه على أسم الست العدرا وطلب ربنا لا تأخذنى إلا لما أكرسها وخذنى وأنا بصلى القداس والرب أعطاه سؤل قلبه المهم أنه مرة جاتله أزمه قلبية شديده وفارقت روحه جسده وشاف القديس الجسد نايم ( الجسد المائت ) وإتاخد بزفة من الملايكه وأستقبله من القديسين الكبار الأنبا أنطونيوس والثلاث مقارات القديسون والأنبا باخوميوس والأنبا شنوده وفى نصف السكة وهم طالعين إعترضت الزفة ستى العدرا وبسطت يديها وقعدت تصلى يا إبنى وإلهى العظيم لك القدره والمجد والعظمه أنت قادر على كل شىء لو أرددت ترجع روح الأنبا مكاريوس لجسده لأنه طلب منى لا يتنيح إلا لما يكرّس الكنيسة إللى بيبنيها على إسمى فسمع الجميع صوت قوى فيه رنين يقول ! أمين هكذا يكون والملايكه دخّلوا روحه فى جسده وأحس بصعوبه كبيرة وتماف إيرينى كانت هتسافر تحضر جنازة الأنبا مكاريوس فهو أب إعترافها وتعزه جداً وقبل ما تسافر جالها تليفون مين بيتكلم ؟ أنا مكاريوس وحكى لها وقال أول واحدة أكلمك , قلت ألحقك قبل ما تيجى وتحضرى جنازتى المهم بعد ما كرّس الكنيسة وهو بيصلى القداس عند القسمة تنيح وكان ماسك بالقربانة المتحوله لجسد الرب ولما وقع على الأرض المفروض القربانه تقع كمان لكن إرتفع جسد الرب بقوة إلهية ونط فى الصينيه وهذا واضح فى فيلم نياحه الأنبا مكاريوس .. بعد نياحة الأنبا مكاريوس كان أحد أولاده يبكى عليه بحراره وكان عنده إلتهاب شديد فى المراره يسبب له مغص صعب قوى لم يستطع النوم طوال الليل رغم تناوله للمسكنات والمضادات الحيويه وكان يبكى أبيه المتنيح الأنبا مكاريوس وفى الصباح وقف يصلى حوالى الساعه العاشره وإذا ملاك الرب يظهر له قائلاً لماذا تبكى على الأنبا مكاريوس ؟ تعالى سوف آخذك إلى الفردوس لترى مقدار المجد إللى فيه الأنبا مكاريوس فلا تبكى عليه مره أُخرى طلعوا إلى الفردوس فى مكان جميل مليان خضرة ليس لها مثيل وليس لها حدود مكان يدى الفرح والسلام بنور ساطع شديد ولامع ولقى الأنبا مكاريوس جاى خطوة خطوة ومسبى فى المجد لابس ثوب سماوى وماسك صليب ألماظ وقال لهذا الشخص شوف المجد إللى أنا فيه أوعى تبكى علىّ تانى أنا فى كنيسة الأبكار ولينا حرية نتجول فى الفردوس ..ا الشخص قال له هو أنا مُت ؟ أجابه أنت جاى بجسدك أنا طلبت من أجلك إلى الرب يسوع لترى كم من المجد إللى أنا فيه حتى لا تبكى علىّ تانى وقال هذا الشخص للانبا مكاريوس وما كل الألماظ إللى فى الصليب الذى تحمله ؟ إنه يا إبنى رمزللفضائل البساطه والنقاوه والمحبه والإتضاع لقد ظل هذا الشخص بالفردوس 3 ساعات كاملة خلال هذه الفترة فتحوا المتولين لخدمته وعلاجه باب حجرته فلم يجدوه بحثوا عنه فى كل مكان بمنتهى الإستغراب فلم يجدوه.... وعلى الرغم من ذلك مرّت على هذا الشخص تلك الساعات التى قضاها فى الفردوس كدقائق قليلة يا بختهم أولادنا سبقونا إلى الفردوس نطلب منهم يصلوا لأجلنا علشان نتوب ونستحق نروح السماء زيهم والتوبه تفتح لنا الباب باب السماء. دى حكايات لتماف ايرينى بركة شفاعتها تكون معانا امين |
|||
|
|
|
12 - 01 - 2019, 01:32 PM
|
رقم المشاركة : ( 34 ) | |||
|
..::| مشرفة |::..
|
رد: معجزات القديسات البنات
سجلت لنا السيدة : شيرين فوزى ابراهيم . بداوى - مركز المنصورة
منذ تاريخ زواجى فى عام 1997 لم يستمر معى اى حمل كان يحدث دائما اجهاض سواء كان بعد أربعين يوم أو بعد ثلاثة أشهر حضرنا احتفال مايو 2003 فى دير القديسة دميانة وطلبت منها بدموع أن أراها وبالفعل لم تخجلنى وجعلتنى اراها على شكل حمامة كبيرة وقد حدث بعدها الحمل فى نفس الاسبوع . وببركة صلواتها وتضرعاتها عن محبيها وكل طالبيها ثبتت لى الحمل ولم يحدث إجهاض هذة المرة على الرغم من تأكيد الدكتور / ميشيل عزيز بالزمالك بأن الحمل سوف لا يستمر وأكد على هذا حيث أن كمية الدم التى كانت تصل للجنين شحيحة جدا لا تساعد على اى نمو جنين ... بكيت كثيرا أمام الرب وكنت دائما اضع تحت الوسادة كتاب معجزات القديسة دميانة وأطلب منها أن تثبت الحمل , ونشكر ربنا لاستجابة القديسة الحنونة العفيفة دميانة .... بدأت تنتهى مرحلة الخطورة من نزول الجني وثبت الحمل ولكن توقع الطبيب بعد ذلك أن ينزل الطفل معوق أو مشوة بسبب أدوية الضغط والسكر التى أخذتها فى الشهور الاخيرة من الحمل . ولكن لقد وقفت القديسة دميانة إلى جوار محبيها وطالبيهاوولدت ابنى فى 21/4/2004 أى فى تذكار اسشهاد القديسة دميانة وتاريخ الولادة هذا ثبتت لى الحمل ووهبتنى ابنى هذا الذى اسميتة اسكندر . وأيضا من أجل تضرعات القديسة دميانة ومن أجل كل طالبيها نزل الطفل سليم وهو بخير وبصحة جيدة . وقد عمدتة اليوم هنا بالدير فى الاحتفال فى 17مايو 2004م تم تسجيل المعجزة فى الدير يوم 17مايو 2004م من كتاب معجزات وظهورات الشهيدة العفيفة دميانة الجزء الخامس |
|||
|
|
|
12 - 01 - 2019, 01:32 PM
|
رقم المشاركة : ( 35 ) | |||
|
..::| مشرفة |::..
|
رد: معجزات القديسات البنات
كتب لنا السيد : نسيم اندراوس الاسكندرية
فى يوم 6/4/2004 م ذهبنا الى دير القديسة دميانة وأقمنا هناك الخيمة فى أرض الاحتفال . ثم تركت الاسرة فى الدير وعدت الى الاسكندرية ثم سافرت الى الدير فى اليوم التالى 7 مايو أثناء رجوعى حوالى الساعة الثامنة مساء فى سيارة المكيروباص كان السائق اسمة رومانى - ماشيا بسرعة 120 كيلو فانكسر أكس السيارة وطارت العجلة ووقعت فى الترعة .. وصار الميكروباص يتأرجح وكان بة سيدتان وثلاثة أطفال ورجلان .. صرخت إحدى السيدات بصوت عال وقالت يا دميانة وكانت المفاجأة أن وقفت السيارة فى لحظتها على بعد نص متر من الترعة ولم تقع فيها خرج السائق ليبحث عن العجلة فى الترعة لمدة اكثر من ساعتين إلى أن وجدها .. وكل من عايين الحادث كان يتعجب إننا مازلنا على قيد الحياة وعندما رجعت الاسكندرية دخلت الكنيسة - كنيسة القديسين مكسيموس ودوماديوس فى العصافرة وشكرت ربنا على عنايتة بنا واستجابتة لقديستة سريعة الندهة القديسة العظيمة دميانة وقال لى أبونا تادرس كاهن الكنيسة : كتب لكم عمر جديد ولابد من أن تعود إلى الدير وتسجل عمل ربنا العجيب بصلوات وتضرعات قدستة الشهيدة العفيفة دميانة . لذلك عدت اليوم 19 مايو لكتابة ما حدث ولكى أشكر القديسة دميانة تم كتابة المعجزة فى الدير بتاريخ 19/5/2004 م من كتاب معجزات وظهورات الشهيدة العفيفة دميانة الجزء الخامس بركة صلوات القديسة تكون معانا منقول للامان |
|||
|
|
|
12 - 01 - 2019, 01:34 PM
|
رقم المشاركة : ( 36 ) | |||
|
..::| مشرفة |::..
|
رد: معجزات القديسات البنات
ايرينى .. قولى للبابا كيرلس يعمل كنيستى هنا
ايه ده!!!!!! ايه ريحه البخور ديه؟؟؟؟ جايه منين؟؟معقول!!!!!! من البيت القديم الموجود بالجنينه؟؟؟ لا..... انا لازم ادخل واشوف ايه ده!!!!!!!!!!بسم الصليب بسم الصليب ام النور !!!!! انتى نفسك قاعده هنا وعلى حجر بسم الصليب بسم الصليب فاذ بها تجد ام النور المبتسمه تناديها:ايرينى.......قولى للبابا كيرلس يعملى مذبح هنا..........ده المكان اللى استريحت فيه انا وابنى من رحله السفر امنا ايرينى:هنا !!!!!فى البيت القديم على الاحجار ديه؟؟؟؟ حاضر يا ام النور....حاضر يا ست الكل ...هقوله هقوله وفعلا اخواتى .....وفى اول زياره لامنا ايرينى قصت للبابا كيرلس ما حدث وما قالته لها ام النور البابا كيرلس:حاضر يا امنا ....بس ربنا يبعت..............انشالله نعمل كنيسه لام النور فى المنطقه ديه ومرت الايام والسنوات و لم تقام الكنيسه ......وبعد اربع سنوات اى فى عام الف وتسعمائه وثمان وستون وردت الامكانيات... ولكن القرار كان بعمل ذلك البيت كقاعه استراحه للرحلات الوارده للدير وابتدا العمال يعملون ويبنون القاعه وفى يوم غريب وفى تمام الساعه الرابعه صباحا دق تليفون الدير وقام الجميع وهم مذعورون امنا ايرينى:سلام ونعمه البابا كيرلس:امنا ايرينى..........انا شفت العدراء زيك تمام وطالبتنى اخلص كنيستها فى نفس المكان...انا عاوز الكنيسه تكون جاهزه فى خلال اسبوع.... وانا هجى ادشنها امنا ايرينى:المجد لله فى الاعالى...اسبوع!!!اسبوع واحد بس؟؟؟ البابا كيرلس:اه انا هجى كمان اسبوع ادشنها وارشم صورها امنا:باذن يسوع....انشالله :واخذت امنا تكلم صوره العذراء .خلاص يا ام النور هتتعمل كنيستك...........خلاص مكان راحتك انتى وابنك هيفضل موجود ومحفور فى قلوبنا وفى اسبوع واحد اخواتى... تم بناء الكنيسه وجاء البابا كيرلس لتدشينها والاحتفالات مهيبه .......والصور منوره بزيت الميرون بس ايه ده!!!!!!!!ده البابا كيرلس بينادى على ام النور البابا كيرلس:يا ام النور الميرون بيجرى على صوره رحلتك الى مصر ....انا مش قادر اعمله حاجه ...ده هيقع على الارض......الميرون بيفور ....اوعى يقع يا ست يا عدرا وفعلا اخواتى وقف فوران الميرون .........واكمل البابا كيرلس تدشينه لباقى الصور ديه قصه احلى كنيسه اتبنت يا اشقائى وهو المكان الذى استراحت فيه السيده العذراء من جراء رحله السفر لمصر وهى كنيسه ام النور بدير راهبات ابو سيفين كنيسه ليس بها مقاعد كنيسه بمجرد ان تدخلها تشم بها رائحه العذراء ورائحه البخور اعدكم اخواتى... بانه عند دخولكم تلك الكنيسه ستنسون كل مشاكلكم وستتكئون ظهوركم على حائطها وتغمضون اعينكم وتشعرون براحه لا يمكن ان تنسوها منقول |
|||
|
|
|
12 - 01 - 2019, 01:35 PM
|
رقم المشاركة : ( 37 ) | |||
|
..::| مشرفة |::..
|
رد: معجزات القديسات البنات
تلك المعجزة من كتاب (عمل اللة والمعجزات بكنيسة مارمينا بفلمنج) روت سيدة :من سنوات ندرت سيدة للرب على اسم القديسة دميانةمبلغ خمسة جنيهات وقالت انها سترسلها مع قريبة لها اعتادت الدهاب الى دير القديسة دميانة فى عيدها(21 يناير -13 طوبة),ولظروف خارجة عن ارادتها لم تفى بالندر0 وبعد مرور العيد واثناء نومها وجدت نفسها تسير فى طريق يوصل الى احدى الكنائس وكان الطريق غريب عليها ,ودخلت السيدة الكنيسة وكانت كلها من الرخام ووجدت فتيات يلبسن ملابس المكرسات الرمادية و الأيشارب الرمادى ويملأن جميع مقاعد الكنيسة , وكان هناك كاهن يقوم بالوعظ فاندهشت السيدة جدا وجلست فى آخر مقعد0 ووجدت احدى المكرسات تقترب منها وتعطيها ابريق فاخر صغير وقديم مملوء ماء وقالت لها "خدى اشربى من الماء) فأخدت الأبريق وكانت كلما تشرب منة يزداد ويمتلأ مرة اخرى0 فاعطت السيدة للمكرسة الأبريق مرة اخرى وقالت لها خلاص انا شربت فقالت لها طيب هاتى حاجة الست دميانة اللى عليك,فردت عليها السيدة وقالت لها "لا لن أعطيك الخمسة جنيهات الا لما اشوف الست دميانة نفسها" فقالت لها المكرسة طيب هاتى بقة ",فاكتشفت السيدة انها القديسة العفيفة دميانة هى التى تحدثها0 وفى تلك الأثناء قامت السيدة ووقفت وصممت أن تنزل وتضع الندر فى احدى الكنائس التى على اسم القديسة دميانة وكان وقتها وقت امتحان ابنتها فقامت بتوصيلها للجنة للجنة الأمتحان وظلت تفكر فى اقرب كنيسة للست دميانة لكى تضع ندرها وبينما هى تفكر جائها صوت فى ادنيها يقول "ادهبى الى كنيسة الشهيد العظيم مارمينا بفلمنج لأن بها صندوق ندور أمام الأيقونة الأثرية للقديسة دميانة(كان هدا قبل وصول جزء من رفاتها للكنيسة بسنوات )ودهبت السيدة للكنيسة وكان وقت قداس يوم الأحد ووضعت الخمسة جنيهات فى الصندوق 0 ورجعت مرة اخرى لابنتها لكى تاخدها من اللجنة وفتحت حقيبتها امام اللجنة لتجد ورقة غريبة صغيرة مطبقة بعناية .فقامت السيدة بفتحها ,فوجدتها عبارة عن ايصال من دير الشهيدة العظيمة دميانة بمبلغ خمسة جنيهات بركة وشفاعه القديسة الشهيدة دميانة والأربعين عدراء تكون مع جميعنا آمين |
|||
|
|
|
12 - 01 - 2019, 01:35 PM
|
رقم المشاركة : ( 38 ) | |||
|
..::| مشرفة |::..
|
رد: معجزات القديسات البنات
معجزة للقديسه مهرائيل زهبت القديسه هي واخيها الي البحر لتملا الجرة ماء فوجدت امرة تبكي من شدت الالم فسالت مالها البنت دى فاجابت والدتها هي بتولد ليها اسبوع وقالو لنا في اب كاهن حيصلي ليها علشان تولد لكن اظاهر انها حتموت قبل ما نوصل فوقفت القديسه تطلب من الرب يسوع ان يتحنا عليها وان تولد بسهولا كما مع اليصابات فستجاب الرب لها وولدت في الحال |
|||
|
|
|
12 - 01 - 2019, 01:36 PM
|
رقم المشاركة : ( 39 ) | |||
|
..::| مشرفة |::..
|
رد: معجزات القديسات البنات
نجاه من الموت وخلاص من المعاندين الرب يعمل معهم ويثبت الكلام بالآيات التابعة مر16: 20 الاسم : م.ب.ج. شبرا مصر (معروف لدينا) العمل : فنى هندسى كهرباء بطاقة رقم : 253948 الساحل منذ أن نقلت الى المنطقة التى أعمل بها بدأت بعض المضايقات من زميل لى فى العمل أقدم منى فبدأ فى إثارة زملائى فى العمل الى أن سخطوا على وقاموا كلهم على كرجل واحد, ولكن الله أعاننى وأعطانى نعمة مرة أخرى معهم ولكن لمحبة هذا الرجل فى الكسب غير المشروع ونتيجة لأنى لا أشاركه هذا الأسلوب فى الكسب تنفيذا لوصايا الله. بدأ فى تكثيف المضايقات والاضطهاد لى. فمثلا طلب منى الوقوف أسفل السلم الذى يعمل عليه ,اوقع على بنسة الكهرباء 8 مرات (ثمانى مرات) لمحاولة ايذائى ولكن أشكر الله لم يصـبـنى حـتى بخدش بالرغم من وقوعها بفارق 1 سم تقريبا فى جميع الاتجاهات على رؤيته انها لم تصبنى رفع على سكينة الكهرباء بينما أنا أعمل فى الخط الخاص بهذه السكينة. ملاحظة الفارق بين الخط والسكينة حوالى 30 سم لذا فقد رأيته عند رفعه السكينة وأشكر الله أن الفارق بين رفع يدى ورفع السكينة حوالى نصف1/2 ثانية تقريبا وكنت كل مرة أخرج معه فى مأمورية خاصة بالعمل كان يتعمد ايذائى وتوريطى بطرق متعددة. وهذه نوعية لبعض المضايقات التى لم يعيننى فيها الا الله وشفاعة القديسة مُهرائيل لأن مضايقاته أرهقتنى جدا نفسيا لذا عند طلبه لى لذهابى معه فى مأمورية تشفعت بالقديسة مُهرائيل لأنى أحسست بأنه يدبر لى شىء سىء فى هذه المأمورية ففوجئت بأنه لم يذهب هو الى هذه المأمورية فى هذا اليوم كما وجدت أن الرئيس مغتاظ جدا منه لعدم ذهابه وقال لى بالحرف تحب أهزقه أمامك بكرة علشان انت جيت وهو ماجاش. فطلبت منه ألا يفعل ذلك وبـعـد ذلك لـــــــم يحضر الى هذه المأمورية سوى يوم واحد ولم ينزل معى أى مأمورية بعدها بالـرغـم من كثرة المأموريات سوى مرة واحدة أخرى عندما طلبته أنا لتركيب شغل يحتاج مجهود أكبر مما أستطيع وقد إنتهى على خير شغلى معه ومن يومها تشفعت بالقديسة وصار يرفض الشغل معى لأنه أصبح يخاف من الله الذى يحامى عنى. حقيقى أن الله قدير وحقيقية هى محبيته لنا. وحقيقية هى شفاعة القديسين أمين. |
|||
|
|
|
12 - 01 - 2019, 01:37 PM
|
رقم المشاركة : ( 40 ) | |||
|
..::| مشرفة |::..
|
رد: معجزات القديسات البنات
رسائل تماف ايرينى ... شهداء التسبيح *** اجتماع تاماف ايرينى رئيسة دير الشهيد العظيم فيلوباتير مرقوريوس ابى سيفين اجتمعت تاماف ايرينى بأهالى كورال فريق ابناء الرسل "كنيسة مارجرجس هليوبوليس" شهداء خدمة التسبيح ليلة عيد النيروز بمقر الدير بالقاهرة سنة 1999 .... والكلام الاتى على لسان امنا ايرينى : انا كنت بأصلى فى قلايتى وقت الحادث , لقيت نفسى انتقلت بالجسد لمكان الحادث وشفته بالتفصيل واتألمت جدا وقلت بأسم الصليب انا فين ؟ ايه اللى باشوفه ده ؟ مين دول ؟ ...... سمعت صوت يقول " رحلة كورال مارجرجس هيلوبوليس" ................ وشفت عامود نور نزل رأسيا اوله داخل السماء ونهايته على الارض فوق الاتوبيس ..... ولما نزل عمود النور حسيت بسلام وظهر حوالين العمود صفين من الملائكة حلوين ومنورين بطول العامود وبيسبحوا تسابيح جميلة .. وكل واحد من شبابنا يسلم الروح ... يلبس ثوب نورانى هفهاف .. والروح تأخد نفس شكل الجسد بس على احلى ......... ويبقى منور والملايكة تدى لكل واحد يسلم الروح تاج على رأسه وصليب فى يمينه .... وشمعة طويلة فى يساره واللهيب بتاعها نور مش نار .... والاقيه هو كمان يسبح نفس التسابيح الملائكة واختلطت اصوات تسابيح الملائكة بتسابيح كورال السماء فى زفة جميلة فى مقدمتها الست العدراء ام النور وهى جميلة جدا ومضيئة .... ودايما الست العدراء تظهر فى ثوب سماوى فيه صلبان ذهبية ولكن المرة ديه ثوبها نورانى لون العامود النورانى وبرضه فيه صلبان ذهبية ...... وسمعت صوت مليان حنان وله رنين جميل يقول " هلموا الى تعالوا الى الفردوس " وطلعت الزفة لفوق ... الست العدرا اختفت الاول وورائها الملائكة ووراهم القديسين الابرار "الخورس السماوى" ..... وبعد ان اختفى الكل طلع العامود رأسى زى مانزل... واختفى فى السماء .... وانا اتمليت فرح وسلام ... يابختهم اغتصبوا الفردوس فى لحظات واحنا بنجاهد فى الرهبنة عشرات السنوات ... وياريت نقدر نحصل على مكانهم فى السماء اخدوه بالسهل وبصراحة ربنا حنين ... اختطفهم فى احسن ساعة لهم ... لو كانوا عاشو بعد كده مكانوش هيحصلوا على المجد اللى حصلوا عليه .... وياريت كلنا نجاهد ونتوب علشان يكون لنا نصيب مع اولادنا فى السماء ونحصل على المجد اللى هم فيه دلوقتى ....... واحنا مش لازم نحزن ابدا ولانبكى ...... وانا بصراحة ماكنتش هاحكى لحد الرؤية دى لكن اب اعترافى امرنى لانها معزية ..... وقال لى انتى شوفتيها مش من اجل نفسك لكن من اجل تعزية الاهالى ............. فليه نحزن واحنا بقالنا شفعاء فى السماء ... احنا نفرح ونتعزى لاننا اطمأنينا عليهم كلهم فى حضن رب المجد .. وعايزين نستفيد من الحادث ده ... اننا نعيش دايما مستعدين .. محدش عارف هيروح امتى .... نبقى حلوين وننفذ الوصايا ونعيش حياة التوبة علشان لانحرم من مجده ... والسماء حلوة جميلة . تاماف ايرينى - دير ابى سفين |
|||
|
|
 |
|
| قد تكون مهتم بالمواضيع التالية ايضاً |
| الموضوع |
| معجزات المسيح (معجزات القضاء واللعنة) |
| معجزات الشهيد العظيم ابسخيرون القليني .. معجزات تفوق الخيال |
| الثلاث مريمات القديسات |
| معجزات القديسات البنات الجزء الثاني |
| القديسات الامهات :) |
العرض العادي
