|
 |
 |
 |
25 - 07 - 2012, 11:30 PM
|
رقم المشاركة : ( 43 ) | ||||
|
| غالى على قلب الفرح المسيحى |
|
رد: سعدية وميدو
الحلقه الخامسه
وفى الاتوبيس طبعا البنات اعدة بقى يرقصوا همه والشباب ويغنوا ..سعديه مش عجبها الوضع ده خالص عماله تتكلم بقى فى سرها وتقول ( ووىوىوى وى ايه المسخره وجله الادب دى معدش فيه حيى خالص البنات ماالها ببترجص وتتلوىزى التعابين كده ليه وكمان الولاد عمالين يتمايعوا كده ومفيش خشى خالص دول رايحين رحله ولا كباريه يادى السواد الى انا فيه ) طبعا جنى الرخمه حبت ترخم على سعديه فاعدت تشد فيها بقى علشان تيجى ترقص جنى: يلا بقى يا شباب عايزين سعديه عايزين سعديه سعدية : هى سعديه الرجاصه الى جابهالك ابوكى ولا ايه يا بت انتى اخرسى احسن اجطعلك لسانك ده المعوووج يادى الفضيحه ام جلاجل ياجى الجرسه ام حناجل عايزانى اترجص يا بت زيكوا انت انهبلتى ولا ايه انت عارفه دول لو عرفوا فى البلد يطخونى بالنار ويخلصوا من عارى الولاد طبعا: عايزين سعديه سعدية : هوه اسمى بجى لبانه فى خشمكوا والله الى هينطج اسمى هتبجى وجعته سوده انهرده بجوطران ندى : خلاص يا جماعه معلش سيبوا سعديه سعديه طبعا طول السكه متغازه اوى من الى حصل وبتقول فى سرها (جال ارجص جال الهى تجرصهم حيه جولالات الخشى انا كان مالى ومال المياعه دى يا ربى شكلها هتبجى رحله سوده بطين وجوطران يا رب عدى الايام المهببه دى على خير وهى السكه دى كمان مالها طويله ليه انا زهجت دى وجعه سوده ومنيله ) ميدو اما شاف سعديه اعده ومتنرفزه اوى راح اعد جمبها وبيكلمها ميدو: مالك يا سعديه متنرفزه ليه سعدية : انت يا واد انت ازاى تجعد جمبى كده من غير خشى جوم يلا فز من هنا ميدو: احنا اصدقاء يا سعديه ومتخافيش انا هقعد باحترامى سعدية: ماشى ازا كان باحترام ماشى بس يلا لخص وجول الى عايز تجوله وفضها سيره مش تاخودها حلوانه فى سلونه وتوجعد ميدو : ههههههه اوك ماشى انتى مالك بقى زعلانه ليه سعدية : انت مش شايف جله الحى دى ميدو: انتى مالك كده خودى الامور عادى فرى سعدية: فرى ولا سافو يا واد جوم من هنا ميدو: انتى ليه معقده سعدية : انا معجده طيب ماتفوكنى يا خوى مش بجولك الى انا عملته فيك ده جليل االست جنى بقى اول اما شافت ميدو اعد مع سعديه اتنرفزت اوى وراحت تقله ميدو انت ايه الى مقعدك هنا سعدية : جال يا جاعدين يكفيكوا شر الجايين انا من الاول مش مرتحالك انتى بهدومك المجطعه دى جنى : انا هدومى مقطعه سعدية : يا بت غورى اتبطى كده واجعدى بعيد جنى: انتى بتكلمينى انا سعدية: امال بكلم امى هوه فيه حد جودامى غيرك غورى يا بت بعيد من هنا احسن اعملك عاهه ميدو : جنى روحى شوفى زمايلك لو سمحتى عايز اعد مع سعديه سعدية : لا مش هتجعد يالا انت كمان ياد انت كمان خد الدزمه دى وامشى غوووووووور ووصلوا بقى ودخلوا الفندق الى هيقعدوا فيه ونتابع الحلقه الجاااااااااااااااااااااااااااااااااااااااااااايه __________________ |
||||
|
التعديل الأخير تم بواسطة rogina ; 25 - 07 - 2012 الساعة 11:35 PM |
|||||
|
|
26 - 07 - 2012, 07:41 AM
|
رقم المشاركة : ( 45 ) | ||||
|
† Admin Woman †
|
رد: سعدية وميدو
ههههههههههههههههههههههههه
حلوة قوي يا قمراية فى انتظار باقي القصة الجميلة |
||||
|
|
|
26 - 07 - 2012, 01:16 PM
|
رقم المشاركة : ( 47 ) | ||||
|
..::| VIP |::..
|
رد: سعدية وميدو
رووووعه بجد كالعاده سعديه دى برغم عصبيتها الا انها زى العسل فى انتظار الحلقه السادسه |
||||
|
|
|
27 - 07 - 2012, 12:07 AM
|
رقم المشاركة : ( 48 ) | ||||
|
| غالى على قلب الفرح المسيحى |
|
رد: سعدية وميدو
الحلقه السادسة
طبعا بدأ توزيع الاوض ومن المفروض كل 3 بنات فى اوضه جه حظ بقى ندى وسعديه وجنى فى اوضه سوى سعديه رافضه تماما ان جنى تقعد معاهم فى الاوضه سعدية : مستحيل ام اربعة واربعين دى تجعد معانا فى الاوضة هى مش ناجصة غم هنا جنى : وانا بقى مش هقعد غير هنا هى الاوضة دى بتاعتك انتى لوحدك ولا اية سعدية: يومك اسود انتى تعرفينى منين يا بت عشان تغلطى فيهم.. انتي عارفة انا لو اهلى لو شافوكى كانوا تاوكى من زمان ولا حد يعرفلك طريج .ايامك هتبجى اسود من الحبر يا حزينة طبعا المشرفه سمعت الخناقه جت هدت الموقف واقنعت سعديه ان ده ترتيب غرف ومينفعش يتغير دخلوا ورتبوا هدومهم ونزلوا المطعم اتغدوا وبعد كده كان باقى اليوم يقضوه على البحر راحوا كلهم والبنات بقى والولاد لبسوا الميوهات ونزلوا البحر الا سعدية سعدية: يا دى اليوم الاسود ايه اللى انا شيفاه انا في حلم ولا علم كده من غير خشى جاعدين من غير هدوم جوادم بعض نهار اسود استر يارب على النعمة دى علامات يوم الجيامة استر يارب ندى : اية يا سعدية مش هتنزلى البحر يلا البسى المايوة بتاعك سعدية:ميوة اية يا بت انتى يا ام مايوة وانا فاكراكى مؤدبة طلعتى زيهم اخص عليكى ندى : ليه بس يا سعدية الميوة بتاعى مش مكشوف اوى دة محتشم سعدية: عشنا وشوفنا حتى الميوة عملوه محتشم انتى يا يتغورى من وشى الساعادى مشيت ندى واعدت سعديه لوحدها تحت الشمسيه متغاظه ومش عاجبها الوضع خالص جالها ميدو وبيكلمها ميدو : سعدية مالك مش نازلة البحر لية ؟؟؟؟؟ سعدية: ما هى ناجصاك انت كمان يلا يا ولا اوعي من وشى اتحشم والبس حاجة وانت عامل زى السحلية كدة استغفر الله العظيم يارب ميدو : انا سحلية يا سوسو ههههههههههه سعدية : سوسو ليه شايفنى شغاله فى كبارية اتلم يا ولا وايوى سحلية هبلة ومعفنة كمان ميدو: هههههههههههههه مقبولة منك عشان تعرفى بس انى مش بزعل منك عشان انتى دمك خفيف موت وانا احب البنات الللى دمها خفيف زيك سعدية :يا دى النيلة دةهيجعد وهيتساير معايا وانا اصلا مش طايجاة روحى يلا ياشاطر خد الطوج بتاعك وروح عوم يارب تغرج وارتاح من وشك ميدو : لا انا هعد معاكى شوية اسمحيلى سعدية : تجعد بادبك وغطى جسمك دة ميدو : حاضر يا ستى ( طبعا ميدو اعد هوه وسعديه واعدوا يحكوا لبعض عن حياتهم واخواتهم وكده وبيعرفوا كل حاجه عن بعض يعنى شكله الموضوع كده قلب على اعجاب وربنا يستر ) عدى اليوم وراحوا الفندق واتعشوا ودخلوا اوضهم بقى علشان يرتاحوا سعدية: اصدجى يا بت يا ندى الولا ميدو طلع كويس والله وشكله غلبان وطيب بس لو يبطل الحاجات اللى بيعملها دى هيبجى كويس ندى : ايه يعنى فكرتك اتغيرت عنة سعدية: هى اتغيرت حبتين بس بردو لسة سمعتهم طبعا الهانم جنى وهمه بيحكوا طبعا جنى بتحب ميدو اتنرفزت وحست ان هيحصل شىء بينه وبين سعديه فا ردت عليهم جنى : انتوابتكلموا عن ميدو ليه وبعدين انتى اوعى تكلميه تانى يا انتى سعديه اتنرفزت وبصت لندى وجالت هى البت دى بتكلم مين انا ولا انتى ندى : بتكلمك انتى ههههههههههههههه سعدية : بصتلها وقالت عايزة اية انتى يا .................................. ؟؟؟؟؟؟؟؟؟ (اكيد انتو عارفين الباقي) جنى : عايزة مش تكلمى ميدو تانى فهمتى ولا لاء سعدية : يا بتى جلتلك الف مرة اتجى شري انتى مش بتسمعى الكلام ليه وشكلة كدة يومك خلص على ايدى جنى :انا بقلك اهووة بلاش تكلمية تانى اية اللازقة دي سعدية: انا لازجة دة انتي بت بارد صحيح يا بت انتي لو حطوكى فى فرن درجة حرارتة الف مئوية تجمديها وبعدين فهمينى مين ميدو دة اللى انتى بتتخانجى معانا عشانه اتوكسى انتى وهوه جنى : ميدو حبيبي سعدية : حبك برص انتى وميدو دة ندى طبعا ميته على نفسها من الضحك على الى بيحصل المهم خلص اليوم بالمناقشه الحاره علشان الكابتن ميدو وجه تانى يوم فى الرحله الى هوه المفروض انه يوم رحله سفارى فى الصحرا وركوب جمال وكان يوم جميل نشوف حصل فيه ايه الحلقه الجايه انتظروناااااااااااااااا |
||||
|
|
|
27 - 07 - 2012, 02:52 AM
|
رقم المشاركة : ( 50 ) | ||||
|
..::| VIP |::..
|
رد: سعدية وميدو
حلوه قوووووووووووووووووووووووووي
تسلم ايدك ياروجينا منتظرين الحلقه السابعه |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| العالم يشعر بحُبِّك ومدين لك بخلاصه |
| رهبنة ومجيئ القديس باسيليوس الكبير |
| حكايه توته وميدو |
| الزمالك يفاضل بين المعلم وميدو بعد هروب فيريرا |
| العاقر تلد ولدين |
العرض العادي
