زوّادة اليوم:
بيخبرو انّو بِصالة سينما هنّي و الناس ناطرين يبلّش الفيلم كانو حاطّين دعايات. في شركة ذكيّة كتير بعتت رسايل عا تليفونات الناس اللّي بالصالة و بس شالو عيونن عن شاشة السينما تا يشوفو تلفونيتن بيطلع صوت تكسير قزاز و زمامير خطر بينقزو كلّن و بيقِي عالشاشة رسالة بتقول: هيدا اللي رح يصير بس تلتهي لثواني عالتلفون انت و عم تسوق! هالشركة بذكاء كبير عم تحذّر من حوادث السير اللّي عم يروح ضحيتها خيرة الشباب و الصبايا لأنّو تركيزن عا اشيا غير السواقة! الزوّادة اليوم صلا لكل ضحايا و جرحى حوادث السير و صلا عا نيّة كل شخص عم يتنقّل بسيارتو حتّى الرب يكون رفيقو...الله معكن
