اخدموا ببشاشة اخدموا بفرح

walaa farouk · رقم المشاركة : ( 1 ) 17 - 09 - 2018, 10:12 PM

اخدموا ببشاشة .. اخدموا بفرح ...
المخدوم مش ناقص اكتئاب .. حتى ولو عندنا احزان وضيق .. نكلم المخدوم عن الرجاء
بلاش بوستات كئيبة ...
بلاش الخادم يكتب بوستات معثرة عن الخدمة وحالها وعن تقاعس الخدام ...
يا خادم .. فيه مخدومين بيتابعوا بوستاتك .

. لما يشوفوك كاتب عن تقاعس الخدام هيمسكوا في كلامك ويسيبوا الكنيسة بسبب تقاعس الخدام
مفروووض في كلامنا نتكلم حلو عن الكنيسة .. عن الخدمة ..
عن ابائنا .. وعن اخواتنا الخدام
بوستاتنا تكون مفرحة .. فيها رجاء وفرح
بلاش كأبة واحنا نازلين الخدمة .. والوش المكشر
المخدوم لما هيشوف ضحكتك وابتسامتك هيفرح .. ويحس ان الدنيا لسة منورة ..
حتى ولو عدينا بضيق و بازمات .. منتكلمش عن الضيقة ..
نتكلم عن خلاص ربنا فيها ..

افرحوا في الرب ... الكأبة دي في المخدع فقط لاجل التوبة
لكن خارج المخدع وشك ده لازم يكون بشوش وفرحان

علي فكرة الوش البشوش ده نعمة من عند ربنا ..

وده بيجي من السلام اللي بيتمتع بيه الخادم من جواه ..
الخادم الكئيب بيوصلنا رسالة انه ملوش علاقة حية مع ربنا علشان كدة هو فاقد للسلام والفرح

" القلب الفرحان يجعل الوجه طلقا " ( ام 15 )

مورا مرمر · 18 - 09 - 2018, 08:35 AM

الخادم الكئيب بيوصلنا رسالة انه ملوش علاقة حية مع ربنا علشان كدة هو فاقد للسلام والفرح

فعلا
ربنا يبارك خدمتك حبيبتى

Mary Naeem · 18 - 09 - 2018, 09:54 AM

افرحوا في الرب ... الكأبة دي في المخدع فقط لاجل التوبة
لكن خارج المخدع وشك ده لازم يكون بشوش وفرحان

صح يا قمر
ربنا يباركك حببتي

walaa farouk · 19 - 09 - 2018, 07:44 PM

ميرسي على مروركم الغالى اخدموا ببشاشة اخدموا بفرح