زوادة اليوم : حكمة الله

[souad jaalouk]

زوادة اليوم: حكمة الله
بيخبرو عن رجّال، بيضَلّ يسخر من حكمة الله. مرّة بيقول لإنسان مؤمن: «لو الله حكيم، كان خلق حبّة البلح كبيرة لأنّو النّخلة كبيرة، والبطّيخة كان خلقها زغيرة لأنّو نبتة البطّيخ زغيرة». ما جاوبو المؤمن، مع إنّو كان واثق من حكمة الله الكبيرة.
بيوم من الإيّام كان هالرجّال غير المؤمن، نايم تحت شجرة نخيل، وفجأة بتوقع حبّة بلح ع وجّو، بيقوم هالرجّال نقزان وخايف، ولـمّا اكتشف شو صار، قال: «كانت ساعة خير بسّ ربنا خلق حبّة البلح زغيرة، لأنّو لو كانت متل البطّيخة كانت كسرتلي راسي»...
الزوّادة بتقلّي وبتقلّك:
«مطرح ما الرب بيحطّ نقطة، ما بيعود في لزوم لعلامة الإستفهام؟ الرب بيصنع كلّ شي لخير الإنسان».

[Mary Naeem]

«مطرح ما الرب بيحطّ نقطة، ما بيعود في لزوم لعلامة الإستفهام؟ الرب بيصنع كلّ شي لخير الإنسان».

آمين يا رب

[walaa farouk]

ميرسي على زوادة اليوم

[souad jaalouk]

الشكر كلّ الشّكر على المرور الغالي أختاي الحبيبتان