|
 |
 |
 |
20 - 06 - 2018, 09:27 AM
|
رقم المشاركة : ( 1391 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
نسجتني في بطن أمي ( مز 139 : 13 ) .. ازاي مش هبقي واثق فيك ، وازاي مش هبقي شايل هم وانت جنبي انت اللي نسجتني وكونتني من البدايه وانت اللي فديتني وانت اللي دبرت كل اللي فات يبقي ازاي دلوقتي يارب هخاف اخاف ازاي وانا ليا اب زيك انا بحبك  |
||||
|
|
24 - 06 - 2018, 01:32 PM
|
رقم المشاركة : ( 1392 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
ويكون في يوم يريحك الرب من تعبك ومن انزعاجك ومن العبودية القاسية التي استعبدت بها. (اش ١٤: ٣) .. الاكيد ان ربنا هيريحك من كل التعب اللي انت حاسس بيه ده لكن امتي وازاي بقا .. ده اللي لسه انت مش عارفه دلوقتي فبدل ما تتعب نفسك بالاسئله دي .. افرح لان ربنا بيحبك وبيعمل كل حاجة عشانك ومش هيسيبك تعبان ، في عز تعبك بيطبطب عليك وبيقولك انا جنبك ومستعد اشيل عنك مهما الفتره كانت طويله ، مسيرها تنتهي |
||||
|
|
|
25 - 06 - 2018, 10:18 AM
|
رقم المشاركة : ( 1393 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
فَالآنَ تَشَدَّدْ ..، يَقُولُ الرَّبُّ (حجي 2: 4) .. خليك جامد كده انا واقف فى ضهرك ، مفيش واحد انا خذلته انا عارف انك تعبت اوى ، وصدقني عايزك تبقي مرتاح عايز اشيل عنك ، عايز اطبطب عليك واطمن قلبك القلقان عايز اسندك ، بس انت ثق فيا وارمي كل حاجة عليا |
||||
|
|
|
28 - 06 - 2018, 09:49 AM
|
رقم المشاركة : ( 1394 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
اصحوا واسهروا. لان ابليس خصمكم كاسد زائر، يجول ملتمسا من يبتلعه هو ( 1 بط 5 : 8 ) .. الشيطان بيشتتك وبيبعدك عني ، بيتوهك ، بيخلبطك ركز اكتر وشوف انت ماشي فين ؟ الطريق ده طريقك ؟! فتح عينك ، امسك فيا ، وامشي في طريقي عشان توصل لبر الامان |
||||
|
|
|
02 - 07 - 2018, 04:17 PM
|
رقم المشاركة : ( 1395 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
لأَنَّكَ أَنْتَ مَحْبُوبٌ (سفر دانيال 9: 23) .. بحبك ، وحبي ليك ملوش سبب او مبرر ولا مستني منك حاجة معينه عشان استمر في حبي ده حبي غير مشروط ، غير مبرر ، وغير منتهي مالوش اي حدود ، ومافيش اي حاجة ممكن توقفه بحبك كأنك الوحيد اللي في الكون كله .. بحبك جدا ، حتي لو ماحبتنيش |
||||
|
|
|
05 - 07 - 2018, 04:33 PM
|
رقم المشاركة : ( 1396 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
أنا أنا الرب، وليس غيري مخلص
(إش 43: 11) .. بتدور علي حد يسمعك ويحس بيك بعيد عني ليه ؟ تاعب نفسك ليه ؟ الناس تعبانين زيك واكتر منك ، فمهما حاولوا مش هايقدروا يريحوك زيي انا مش طالب منك حاجة غير انك تصدق اني هاخلصك ، وهانجيك من كل المشاكل ، وهافرحك ، وهاريحك ، صدق وثق فيا وافتحلي قلبك |
||||
|
|
|
08 - 07 - 2018, 01:02 PM
|
رقم المشاركة : ( 1397 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
"مع كل هذا لم يؤثر غضبه بل يده ممدوده بعد " ( إش : 9 : 21 ) .. هافضل اقولك لحد اخر نفس فيك انك ياحبيبي مهما تعمل هاتفضل غالي ، انت ابني حبيبي مهما عملت انا لسه بحبك ومافيش حاجه هاتغيرني ، انا لسه ايدي ممدوده ليك مش هابعدها عنك ابدا لسه بدبرلك حياتك ماتقلقش |
||||
|
|
|
12 - 07 - 2018, 03:00 PM
|
رقم المشاركة : ( 1398 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
هيجيلك وقت هتحصلك حاجات ف حياتك مش مفهومه .. ناس هتسيبك من غير أسباب .. شغل هيتعطل .. أحلام هتتأجل .. ابواب هتتقفل ف وشك فجأه .. مجموع ف الدراسة كان نفسك تجيبه .. هاتحس ان حياتك بتتلخبط وكل حاجه نفسك فيها بتروح منك .. اقولك سر ؟! .. يا بختك .. يا بختك لأنك هتشوف العجب ف حياتك .. الأتون اللي لقيت نفسك فيه ربنا هيكون جواه وجنبك .. الجب اللي اتسجنت فيه ربنا هيسد افواه الاسود اللي فيه علشانك .. البحر اللي نزلت فيه هايتشق وتشوف فرعون قصادك بيغرق بمركباته وجنوده .. الحوت اللي بلعك هايعلمك ترفع ايديك وتصرخ لربنا .. البير اللي اخواتك رموك فيه هايكون سبب انه يخليك ف مكان احلي وأعظم ومنصب عمرك ما حلمت بيه .. كل حاجه بتحصل ف حياتك مقصوده .. كل اللخبطه اللي انت عايشها دلوقتي نهايتها فرحه وخير اكبر مما تتخيل .. اصبر واطمن .. ربنا هيفاجئك قريب .. هو عارف شغله كويس وعارف بيعمل ايه .. غمض عينيك هاتسمع صوته وهو بيقولك : لَسْتَ تَعْلَمُ أَنْتَ الآنَ مَا أَنَا أَصْنَعُ، وَلكِنَّكَ سَتَفْهَمُ فِيمَا بَعْدُ |
||||
|
|
|
12 - 07 - 2018, 03:06 PM
|
رقم المشاركة : ( 1399 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
مزمور 4: 6-8 "كَثِيرُونَ يَقُولُونَ: «مَنْ يُرِينَا خَيْرًا؟ ». ارْفَعْ عَلَيْنَا نُورَ وَجْهِكَ يَا رَبُّ. جَعَلْتَ سُرُورًا فِي قَلْبِي أَعْظَمَ مِنْ سُرُورِهِمْ إِذْ كَثُرَتْ حِنْطَتُهُمْ وَخَمْرُهُمْ. بِسَلاَمَةٍ أَضْطَجعُ بَلْ أَيْضًا أَنَامُ، لأَنَّكَ أَنْتَ يَا رَبُّ مُنْفَرِدًا فِي طُمَأْنِينَةٍ تُسَكِّنُنِي." بنمر بظروف صعبة، ونواجه تحديات صعبة، تثور مشاعرنا وتخور قوانا، نعجز وننكسر. نواجه صعوبات في داخلنا وأخرى من الخارج. قد تعجز عيوننا عن النوم، وتنبض قلوبنا بسرعة أكبر، وقد نواجه لومًا من آخرين حولنا. نشعر وكأننا في فخ أو مصيدة صعب الخروج منها، نشعر بالعجز، ولكنّنا نعلم ونثق أنه يمكننا أن نرفع عيوننا نحو السماء، وهناك نجد الرب القادر على كل شيء. هو الذي يضع السلام في قلوبنا والسرور في شفاهنا. هو من يمنحنا الطمأنينة والسلام فنضطجع في سلام وأمان .. |
||||
|
|
|
15 - 07 - 2018, 10:33 PM
|
رقم المشاركة : ( 1400 ) | ||||
|
† Admin Woman †
|
رد: اكبر مجموعة ايات من الكتاب المقدس مع التأملات
كنت بفكر دايما فى معنى الجزء الموجود فى مزمور ٢٣ اللى بيقول “ مسحت بالدهن رأسى…” وكنت فاكر ان المعنى رمزى وقصده ان ربنا عايزنا فى حالة كويسة او صحة جيدة. وعمرى ما فكرت ان ممكن يكون معناه حاجه تانية، لحد لما اكتشفت ده بعدين… وطلع الموضوع له قصة…. الخرفان مُعرضين دايما ان فروة راسهم تشبك فى الشوك و هما ماشيين و ممكن كمان يموتوا وهما بيحاولوا يفكوا نفسهم من ده كمان بعض الحشرات بتضع البيض بتاعها قريب من فتحات الانف او العيون اوالاذن و البيض ده بيتحول لديدان و بيدخل الخروف فى حالة جنان و بتخليه ممكن يخبط راسة فى صخر واحيانا ممكن يموت كما ن وهو بيحاول يتخلص من الحالة دى…… فكان دايما الرعاه بيدهنوا راس الغنم بالزيت وده بيعمل طبقة عازله و بيحمى الخروف من كل المشاكل دى وبتخليه يعيش فى سلام و هدوء……….. هل عشت اوقات من الصراعات الذهنيه اللى عذبتك؟ هل الافكار المقلقة لسة بتهاجم ذهنك؟ عمرك طلبت من الله انه يدهن راسك بالزيت؟ هو عنده امداد كبير لك …. الزيت اللى عنده يقدر يحميك ويشفى قلبك وعقلك ويخلى عينك عليه على طول،،، لك سلام من عنده… باصلى ان الله يمسح راسك بالزيت لحد م كأسك يتملى و يفيض ( كأسى ريا)… هو صالح وامين  |
||||
|
|
 |
|
العرض العادي
