حبيبك يبلعلك الزلط

[walaa farouk]

المثل بيقول " حبيبك يبلعلك الزلط "
لكن انا مابفهمش نوعية الناس اللى بتزعل من موقف واحد

فاتتلكك عشان تقطع معاك العمر كله وتنسى ليك كل حاجة عملتها وتنسى ليك مواقف ماتتنسيش

.. وفى ثانية تعدل وشها الناحية التانية وكأنها ولا تعرفك .

حقيقى الناس ديه مابتحبش غير نفسها

وعشان خاطر كرامتها ممكن تدوس على الذكريات والصداقة والحب والقرب

.. الناس ديه جايز أول مايتخيلوا انك ممكن تبعد عنهم فايكون رد فعلهم إنهم هايسيبوك الأول ..

يتقمصوا قمص السنين .

كلنا تقريباً فينا الحتة ديه لكن بنسب .

. لكن اللى بحب أشوفه الحب اللى فعلاً الشخص يبلعلك فيه التقصير والتبرير وحتى الغلط الكبير

.. يبلعلك لان قلبه واسع وحبه ليك حقيقى وأصيل .

. ومش من السهل يقرر البعد لانه محوش ليك رصيد كبير محتاج 100 موقف وموقف عشان يخلص ويقولك " لقد نفذ رصيدكم " .

لو عندكم نوعية الناس اللى بتبلعلكم .. من فضلكم حطوهم فى عيونكم وفى قلبكم

[Mary Naeem]

صح يا قمر
ربنا يباركك حببتي

[MenA M.G]

لكن اللى بحب أشوفه الحب اللى فعلاً الشخص يبلعلك فيه التقصير والتبرير وحتى الغلط الكبير

.. يبلعلك لان قلبه واسع وحبه ليك حقيقى وأصيل .

موضوع رائع .. شكراً لطرحك الجميل
ربنا يفرح قلبك

[walaa farouk]

ميرسى على مروركم الغالى