|
 |
 |
 |
|
رقم المشاركة : ( 1 )
30 - 05 - 2018, 11:41 PM
|
|||||||||||
|
|||||||||||
 يا ترى انت من ابو 2 جنيه و لا من ابو 30 جنيه عندنا فى مجتمعنا ناس غريبة اوى + فى اكليل زواجهم تلاقيهم عاملين كارتين للفرح كارت ب 2 جنيه و كارت واو ملبس و حركات يجى مثلاً اكتر من 30 جنيه .. الجميل بقى انهم مختارين مين ابو 2 جنيه و مين ابو 30 جنيه .. . الغريب بقى انهم بيكونوا جايين بقى بكيسين واحد ابو 2 و واحد ابو 30 يقابل واحد من ابو 2 حبيبى انا بعزمك على فرحى و حيشرفنى وجودك يرد المعزوم طب من غير كارت خليه ينفع لحد تانى متقلقش لا لا هو فى اهم منك ... يمشى خطوتين يلاقى الصديق ابو 30 جنيه حبيبى دى دعوة فرحى ايه رايك منتظرينك حبيبى طبعاً معاك . + تعال بقى ندخل على موضوع القاعة و كلنا عارفين ان يدوب العدد بيكون قاصر على الاهل و الاقارب لكن تعزم كل صحابنا ماعدا انا .. دى غريبة شوية بس معلش ما انا اللى واخد كارت ابو 2 جنيه فطبيعى ما اكونش فى القاعة معاك يوم فرحك . + نيجى بقى للبوستات اللى بتكون فى عيد الميلاد ... و دى بقى غريبة .. اللى كاتب لى كلام كتيير و صورة و مظبطنى فى البوست لازم الرد يكون فورى ... و حوار تحت منه كبيير ... لكن اللى عبرنى و كتب كلمتين تلاته و ما جابش معاه فى ايده صورة لى او تورتة او حركات كفاية لايك بس من غير تعليق حتى شكراً وكأنه لايك مع ابتسامة اصفره . + نخش بقى على السبوع و حمدالله على سلامة المولود الجديد ... وتلاقىهم عملين نوعين حمص و تحفة او لعبة اللى بيحطوها دى بردوا نوع ابو 2 جنيه و نوع ابو 30 جنيه ... يجى لهم حد يبارك .. ايوه ده تصنيفه ابو 2 جنيه لكن دول لا لا ده ابو 30 انت مش شايفه جايب لنا هدية شكلها ايه ولا عطى النونو فلوس هدية كام لا لا ده يبقى من ابو 30 جنيه . ملخص الكلام خلى الحب للناس واحد يا جماعة ... كارت فرح واحد .... القاعة مش لكل الناس لكن مش تعزم 10 و تسيب 3 ما تعزمهمش لانك كده بتقولهم دى قيمتكم .... مش فاضى ترد على بوستات عيد الميلاد يبقى كفاية لايك و فى النهاية بوست عام تشكر الجميع ... بترد على بوست يبقى ترد على الكل ... بلاش تحرجوا الناس اكتر من كده وبلاش نعرف اننا عندكم من ابو 2 جنيه مش من اللى عندكم ب 30 جنيه دومتم فرحانين و عندكم #اتيكيت و #جبر_خواطر 
|
|
31 - 05 - 2018, 07:26 AM
|
رقم المشاركة : ( 2 ) | ||||
|
† Admin Woman †
|
رد: انت من ابو 2 جنيه و لا من ابو 30 جنيه
بلاش تحرجوا الناس اكتر من كده
وبلاش نعرف اننا عندكم من ابو 2 جنيه مش من اللى عندكم ب 30 جنيه صح يا قمر ربنا يباركك حببتي |
||||
|
|
|
31 - 05 - 2018, 07:58 PM
|
رقم المشاركة : ( 3 ) | ||||
|
..::| الإدارة العامة |::..
|
رد: انت من ابو 2 جنيه و لا من ابو 30 جنيه
ميرسى على مرورك الغالى |
||||
|
|
 |
|
العرض العادي
