الف سلامة عليك يا حبيبى

walaa farouk · رقم المشاركة : ( 1 ) 06 - 04 - 2018, 08:13 AM

ده انا لما إيديا بتتعور .. مش بستحمل
وإستحملت إزاي مسمار ؟!
جوه إيديك !
ده انا ساعة ما يجيلي صداع .. بتعب جدآ
وإستحملت إزاي الشوك ؟!
مغروس فيك !
ده انا لو حد جرحني بكلمه .. بفضل شايل
وانت إزاي مزعلتش لما ،
تفوا عليك !
بقي علشان كده واحد زيي ؟!
تستحمل كل الإهانات
جرح و ضرب .. شتيمة وقسوة
وخيانة و كره و طعنات !
مين ف الدنيا دي أصلآ غيرك
علشان حب
ضحي و مات !
حبتني وخدتني علي عيبي
أجمل قصة حب بشوفها ..
لما بشوفك شلت صليبي ،
وكتبتلي بالدم بحبك ..
طب أقولك انا إيه دلوقتي ؟!
ألف سلامة عليك يا حبيبي ..

Mary Naeem · 06 - 04 - 2018, 10:17 AM

طب أقولك انا إيه دلوقتي ؟!
ألف سلامة عليك يا حبيبي ..
ربنا يبارك حياتك

walaa farouk · 06 - 04 - 2018, 07:47 PM

ميرسى على مرورك الغالى مرمر الف سلامة عليك يا حبيبى