ليه المذود؟

[walaa farouk]

ليه المسيح اتولد في مذود؟!
سمعنا واتكلمنا كتير عن ميلاد المسيح في مزود ومن شهر الأسباب اللي سمعناها إن ده تواضع من ملك الملوك، وعلشان يحس بالناس اللي بتعاني وده طبعًا حقيقي جدًا، لكن مؤخراً قريت تحليل عن ميلاد المسيح في مزود لفت نظري أوي، وهو أن المزود ده المكان اللي بتتربى فيه المواشي اللي الشعب بيقدمها ضحية عن خطيته، وكأن المسيح اختار من بداية ميلاده إنه يقرر إنه يخطط يكون ضحية عن خطايانا.

ميلاده كان بداية الطريق

لما فكرت في الفكرة دي، اِطمنت لأني لقيت أن الله معندوش حاجة مش مقصودة وكل حاجة ليها سبب، وإنه بيركز وواخد باله من أدق التفاصيل، مفيش تفصيلة بتوه منه من زمان أوي، من قبل الميلاد، وأثناء ميلاده وبعد كده كمان، وده خلاني أطمن إنه طالما هو اهتم أوي بمستقبلي الأبدي إزاي هيبسيني هنا على الأرض، وورانا الحب اللي بجد والتضحية اللي مفيش زيها، يمكن مريم ويوسف كانوا مستغربين المكان اللي ابنهم هيتولد فيه، بس ده كان مشيئة الله وتميم قصده علشان ليه معنى كبير أوي هنعرفه بعدين، ودلوقتي إحنا بقينا فاهمين، إنه يكون ذبيحة وكفارة كافية ومضمونة للأبد، كتير أوي بنسمع إنه ممكن الأهل يضحوا علشان أولادهم اللس بيحبوهم ، بس مش كتير بيقدروا ينفذوا ده، يسوع الوحيد اللي عمل كده فعلياً.. شكراً علشان ميلادك كان لخلاصنا، يا الله في يوم ميلادك ساعدنا قلوبنا تكون مفتوحة ليك وتقبل عمل خلاصك لينا وعلشاننا

[Mary Naeem]

شكراً علشان ميلادك كان لخلاصنا، يا الله في يوم ميلادك ساعدنا قلوبنا تكون مفتوحة ليك وتقبل عمل خلاصك لينا وعلشاننا

رووووووووووعة حببتي
ربنا يفرح قلبك

[walaa farouk]

ميرسى كتير على مرورك الغالى