العيد السنة دي

[walaa farouk]

لو سألتك حاسس بالعيد السنة دي هتقول إيه؟!
. مش عارف أحس بالعيد بسبب ضغوط الحياة والمشاكل والمرض والمو

.العيد مبقاش له الفرحة اللي متعود عليها من زمان

.بقينا نحس أن العيد بيضغطنا وبيفكرنا باللمة اللي مش عارفين نعملها تاني زي زمان

.بقينا بنخاف بصراحة من فكرة الأعياد بسبب اللي بيحصل في البلد وقتها

وجمل تاني كتير بتتقال عن العيد الوقت ده، بصراحة مش عارف أكون مثالي وأقول كلام حلو لأن المواقف فعلاً مؤلمة ومن حق كل حد يعبر عن مشاعره اللي بيحسها وقت العيد بصدق مهما كانت مؤلمة، وأوعى تضحك على نفسك وتبيّن عكس اللي حاسه لمجرد أن ده عيد ولازم نكون مبسوطين علشان اللي حوالينا، أو علشان منبقاش نكديين، بالعكس الزيف مش هيطول وهتبان مشاعرك الحقيقية في صورة غضب في أقرب موقف علشان كده بشجعك عبر عن مشاعرك بوضوح مهما كانت سلبية.

لازم تعمل حاجة

اتحرك بكل مشاعرك السلبية المؤلمة لله وعرفه اِحساسك واحتياجك وألمك وهو هيحس بيك، روح قله العيد بالنسبة لي مبقاش عيد أنا تعبان أنا موجوع أنا حاسس إني لوحدي في العيد، أنا حاسس إني مفتقد “فلان ” في العيد أنا مش عارف أفرح، اترمي في حضنه وسيبه هو يعالج نفسيتك وألمك بطريقته.. العيد مش بس فرحة من بره وضحك وهزار، العيد الحقيقي لما تلمس حضور الله في قلبك وتحس فعلاً بيه، يسوع جه علشان يدينا فرح حقيقي مش مرتبط بالظروف على قد ما مرتبط بيه هو، لو اعتمدت على ظروفك علشان تفرح مش هتقدر طول الوقت تكون كده لأن الظروف بتتغير لكن لو كان فرحك سببه يسوع ومن جواك .. من قلبك .. أكيد هيكون مختلف وهو دا معنى العيد الحقيقي

[Mary Naeem]

لو كان فرحك سببه يسوع ومن جواك ..

من قلبك ..

أكيد هيكون مختلف وهو دا معنى العيد الحقيقي

ربنا يبارك حياتك

[walaa farouk]

ميرسى على مرورك الغالى