عايش حزين غايب عني الأمل
من غير عينين ساكن في الملل
محتاج أشوف .. مشتاق لقدرة وعمل
أصل أنا مولود أعمى
ويعدي علي كتير الناس شايفني بعيونهم أعمى
مستني اللي يقدر يجتاز قلبي بالنور والنعمة
ولاقيت اللي بيناديني بالطين عايز يداويني
مين يصدق أعمى مسكين يكون في يوم دواه الطين
ويشوف نور العالم بعد ما عاش أعمى سنين
شافني وناداني وبايده حن علي
لمسني .. قواني فتح بالطين عيني
فتح بالطين عيني .. فتح بالطين عيني
