زوادة اليوم : وجه المخلص

[souad jaalouk]

زوادة اليوم: وِجّ المخلّص


بيخبرو عن الفنّان ليوناردو دا فينشي، لـمّا كان عم يرسم صورة العشا السرّي بكنيسة ميلانو، وعم بيحط آخر لمساتو، بعت ورا صديق إلو حتّى ياخد برأيو.
إنبهر الصديق وقلّو: «شو حلو الكاس بإيد السيّد المسيح!» بسرعة أخد ليوناردو ريشتو وشطّب ع الكاس. تفاجأ الصديق وسألو: «ليش عمِلت هيك؟» جاوبو: «ممنوع يكون في أيّا شي بيلفُت النظر إلاّ وِجّ يسوع المسيح!»
الزوّادة بتقلّي وبتقلّك:
«بحياتنا اليوميّة مْنِنْبهر ومْنِنْفِتِن بجمالات كتيرة، بس مننسى إنّو الأجمل هوّي وِجّ الخالق يسوع المسيح».

[Ramez5]

ميرسى على زوادة اليوم
ربنا يفرح قلبك

[Mary Naeem]

بحياتنا اليوميّة مْنِنْبهر ومْنِنْفِتِن بجمالات كتيرة،
ربنا يبارك حياتك

[walaa farouk]

«بحياتنا اليوميّة مْنِنْبهر ومْنِنْفِتِن بجمالات كتيرة، بس مننسى إنّو الأجمل هوّي وِجّ الخالق يسوع المسيح».

ربنا يفرح قلبك