ساعات بنكره الحب !!!

[Rena Jesus]

لا تحب بعمق حتي تتأكد بأن الطرف الاخر يحبك بنفس العمق،
فعمق حبك اليوم هو عمق جرحك غداً ..

محتاجين نقف شوية عند المقولة دي مش هنقول اذا كانت صح ولا غلط،
لكن هنقول انك لما تحب بعمق او تدي اوي،
وتعامل حبيبك حسب قلبك مش حسب قواعد واسس بعدين اللي بنجرح فعلاً في الحوار دا هو الشخص اللي باع وخان مش اللي حب بجد و دا لانه عرف معني الحب وحب بجد وبالتالي هيقدر يحب تاني وهيلاقي الحب اللي بجد.. اللي يغيرله حياته،
لان ربنا هيعوضه ويكافئه علي امانته في حبه .. حقيقي بيكون في جرح..
وجرح صعب، لكن الايام كفيلة انها تداوي كل الجروح

اللي بيكون مسكين فعلاً الانسان اللي خان وباع لانه مع الوقت بيكتشف انه مش عارف يعوض الحب دا ومش لاقي حد يحبه بنفس العمق والدرجة
وبتزيد معاناة الشخص دا لما بيدخل في relation جديدة ويبدأ يتأكد ويشوف الفرق بنفسه..
ساعتها الندم هيتملكه ، ..
هيلاقي نفسه في صحرا جرداء خالية من المشاعر والاحاسيس

بيدأ يحس بالجرح اللي محسش بيه من الاول ويبدأ الجرح دا مع الوقت يكبر ويزيد ويكون الفرق بينه وبين الطرف التاني ان جرحه مع الوقت بيوسع وينزف اكتر لكن التاني جرحه بيلتئم وبيعيش حياته عادي جداً وبيكون احسن بكتير اوي من اللي كان راسم يعيشه مع حبيبه الاولاني ..

خلاصة الكلام :-
لما نحب اوي اوي ويكون حبنا دا حقيقي ونابع من كل قلبنا ومشاعرنا ،
و الحب دا يتقابل بالخيانة والنكران بنتوجع جامد ، وساعات بنكره الحب !!!
لكن مع الوقت بيدأ كل دا يتصلح لحد لما فجاة يظهر في حياتنا الشخص الصح اللي ينورهالنا من تاني ونرسم معاه كل احلامنا
لاننا زرعنا حب والنتيجة الطبيعية اننا هنحصد حب بجد ❤
لكن الطرف التاني اللي معرفش الحب وزرع بدل منه غدر واستهتار بالحب اللي اتقدمله هيحصد تعب وندم العمر كله ، وجرح عمره ما هيلتئم ابداً
لما تلاقي حب حقيقي امسك فيه بايديك وسنانك ،
واتحدي كل ظروفك علشان الحب دا ، لان اللي بيروح صعب نرجعه تاني

[walaa farouk]

لما تلاقي حب حقيقي امسك فيه بايديك وسنانك ،
واتحدي كل ظروفك علشان الحب دا ، لان اللي بيروح صعب نرجعه تاني

ميرسي على مشاركتك الجميلة

[Mary Naeem]

لما تلاقي حب حقيقي امسك فيه بايديك وسنانك ،
واتحدي كل ظروفك علشان الحب دا ،
لان اللي بيروح صعب نرجعه تاني

صح يا قمر

ربنا يباركك حببتي

[Rena Jesus]

ميرسى لمروركم الغالى