اشهر طريقتين يتعامل بهم الله مع مشاكلنا

[walaa farouk]

كتير أوي بنسأل لما بنقع في مشاكل وشم بنقدر نحلها، نصرخ ونقول لربنا " انت فين" ليه سايبنا كده؟؟ علشان كده مهم تقرا الكلام اللي جاي .





ودي أكتر طريقة غالباً إحنا بنحبها ودايماً عايزينها تحصل، وفعلاً بيعملها الله وفي نماذج كتير في الكتاب المقدس الله عمل معاها كده ( مشكلة مريم ومرثا وموت أخوهم - ابن أرملة نايين اللي قوّمه من الموت – مجنون كورة الجدريين اللي شفاه – نازفة الدم اللي رجّعلها صحتها من تاني ) وغيرهم كتير..






الطريقة التانية ودي مش كلنا بيقدر يفهمها أو بصراحة مش بنحبها ومش دايماً نتمنى إنها تكون الحل بتاع ربنا للمشكلة بتاعتنا، وهي إنه يوسع قلبنا نستحملها، زي مثلاً بولس الرسول، كان عنده مشكلة في جسده وصلى للرب 3 مرات علشان يشفيه منها، بس هو قاله تكفيك نعمتي يعني وسّع قلبه يتحمل وإداله قوة ومعونة على اللي بيعدّي فيه، ويوسف اللي اترمي في السجن وعدّى في أوقات صعبة وجرح كبير من أقرب الناس ليه، وسّع قلبه يتحمل وقت التجربة.

ماوعدكش إنه في كل المواقف هتحصل الطريقة الأولى، بس في النهاية انت قادر تصدّق إنه في كلتا الحالتين هو بيعمل لخيرك ولصالحك ومش هيسيبك تمر في الظرف الصعب لوحدك، وحتى لو معملش اللي في دماغك ، اللي انت شايفه صح من وجهة نظرك، لازم تثق فيه لأنه وعد وقال " لا اهملك ولا أتركك "

[Mary Naeem]

لازم تثق فيه لأنه وعد وقال " لا اهملك ولا أتركك "

آمين يا رب

[walaa farouk]

ميرسى على مرورك الغالى