فى كتاب مترجم عن النباتات و و الاعشاب لفت نظرى نبات اسمة ( الشوكران ) فا لوهلة كدة لقيته اسم ظريف يمكن علشان اسمة مقارب من كلمة ( شكر) فا فوجئت انه نبات سام جداا و يقال ان سقراط انتحر انه اكل منه كتير
النبات شكلة شبة البقدونس و السم الى فيه ملهوش طعم و مصنف ضمن السموم المجدولة انها خطية من الفئة a
متخيلين ان النبات ده شبة البقدونس و اخضر برضو زى البقدونس و فيه مادة سامة! و كمان اسمة ظريف اوى
خلونى بس اركز على 3 حاجات
الاول : العشب لونة اخضر و فى المعتاد ان اللون الاخضر محبب و مريح لينا
الثانى : الاسم شكلة ظريف و جميل
الثالث : فيه سم ملهوش طعم
الوقت الى فات ده سمعت كتير اتصالات و قصص ارتباط كتير مؤلمة من بنات و اولاد.. كتير ناس بتختار بالشكل ( اللون ) و ناس بتختار بالاسم ( الصفات المادية ) لكن يجمع كل الناس المتالمة دى انها شربت ( السم العديم الطعم)
الاختيار يا جماعة
ارجوكم نختار صح..ممكن منفضلكم نسيب موضوع الفلوس ده شوية
وممكن نسيب موضوع الشكل الحلو و الامكانيات المادية و الجسمية؟؟
ركزوا على جوهر الشخصية و العلاقة مع ربنا
عن كمية الهم و الغم الى بقى منتشر وسط البيوت و الاسر دلوقتى بقى مرعب بسبب الاختيار الخاطئ فى الجواز
تقريبا انا مش مبطل اتكلم عن الارتباط لان فعلا موضوع كبير وصعب اووى
عندى رسالة للبنات
صدقينى ما هتخسري حاجة انك تبطلى ترفضى ناس مناسبين ليكى لمجرد انك عايزة حد اغني..و المشكلة انك بتدوسى على نفسك و ترتبى بواحد انتى عارفة انه متعب فى صفاتة لكن مريح فى مادياته!! بتختاري المادة ليه؟؟!!!
الناس الى مش بتاخد مشورة ربنا فى الارتباط و يرجعوا يتطلقوا و يرجعوا تانى عايزين يتجوزوا! مش فاهم هو انتو بتعملوا ايه؟؟
يعنى اختارتو بمزاجكم و اتجوزتم بمزاجكم و طلقتوا برضو بمزاجكم
ليه بقى بتلوموا ربنا فى انكم متوفقتوش فى جوازكم؟؟ !!! علامة استفهام و تعجب بحجم المجرة الكونية كلها!!!! انتو عملتوا كل حاجة بعيد عن ربنا . زعلانين من ربنا ليه؟؟ مش فاهم
ارجوكم بجد افهموا يعنى ايه ارتباط.. البيوت خربانة بجد ده غير الخيانة الزوجية و الاطفال المحطمة والى فيها اطفال بدأت تاخد هوية جنسية مش بتاعتها بسبب الانفصال بين الزوجين!!
متاخدش خطوة ارتباط بعيد عن ربنا حتى لو هتقعد منغير ارتباط
ابعتولى رسايل لو عندكم مشكلة اختيار منفضلكم
متاخدش الخطوة و ربنا بره الموضوع
الخلاصة
الشوكران سام حتى لو لونة اخضر و اسمه جميل
فهمتم الرسالة؟؟؟
