انا محتاجة حد يفهمنى ..
حد يستوعب انى مش دايما ببقى عارفة أتكّلم ..
و انى متقلبة المزاج جداً لدرجة انى ممكّن ابقى بضحك و أروح معيطة فجأه ..
و انى بتعشم جداً فـ الناس اللى بحبها .. ولما بحب بقع على وشى ..
و بحب بكل طاقتى .. و انى برضه ليا طاقه ..
مابقدرش أتحمل " الغياب الطويل " .. و "الأحضان الروتينيه"
و " التراكمات ".. و انى ساعات بحب أبقى لوحدى ..
و انى بحب المزيكا قد ما بحب صحابى ..
و انى ساعات قلبى بيتقبض من غير سبب ..
فابفضل مأريفة طول اليوم ..
و انى طول الوقت ببقى عايزة أشوف الناس اللى بحبها ..
و انى فعلا ممكن معرفش انام لو حد زعلان منى .
