| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
19 - 10 - 2017, 07:05 AM
|
||||
|
||||
 ماما ماما... ماما ماما ماما.... نعم... عاوز أشرب.. هخلص مكالمه واجيبلك حاضر.... ماما ما ماما ماما... ياصبر ايوب.. نعم عاوز أكل... ياحبيبى هخلص كلام مع خالتك فى التليفون واعملك أكل.. الصبر.... ماما ماما.. ماما.... نعم ... ممكن أعمل بى بى ... ماتعمل يابنى هو انا قافله الحمام بالمفتاح ....... بستأذنك ياماما.... ياروحى على الأدب ياناس مامااااااااااا........ مامااااااااا... كريم شد شعرى عااااااااااااا طبعا فى اللحظه دى ومع سارينه الاسعاف اللى ضربت، ماما يتقفل السماعة وتطلع تجرى تفض الاشتباك، وغالبًا بتزعق وتتعصب وتحس بالقهر وانها حتى مش عارفه تقول كلمتين فى التليفون مين فيكم حصل معاها الموقف ده كل ماتتكلم فى التليفون.؟؟؟؟ هما العيال دى متسلطين عليا..... لا يا ست الكل مش متسلطين.. دول محبطين.. يعنى ايه؟؟ يعنى الطفل اللى بيعمل كدة مش حاسس بأهميته وقيمته عند الأم، فلما يلاقيها مشغوله أوى بحاجة ومركزة بيحاول يختبرها.. أنا أهم ولا التليفون.... زيك بالظبط لما جوزك يكون مركز فى الماتش وما يحلاش الخناق الا والفريق بتاعه قرب يخسر.... هو يعنى الماتش أهم منى ... اهو ابنك بيعمل كدا بالظبط... طيب أعمل ايه؟.. استأذن من اللى بكلمه دقيقه وادى ابنى انتباهى كله، اسمعه وبعدين أقوله ان كلامه مهم جدا وأنا عاوزة اركز معاه، واطلب منه يدينى ثوانى اخلص المكالمة ونتفاهم واحاول اختصر فى المكالمة واسمعه، وبعدين ابقى اتصل مرة تانيه اكمل كلامى.... هيتعود يقاطعنى، وهو مفيش احترام خالص للكبار، انتوا عاوزين تبوظوا العيال لا صدقينى ... فى كل الكلام ده، بس الاول اطمن ابنى على مكانته فى قلبى وانه اهم فعلا عندى من اى حاجه؛ مرة بعد مرة هيبطل يضايقنى لانه اطمن ومشاعرة هديت وهيكون حريص على مشاعرى هو كمان طيب فى سبب تانى؟؟؟ اه طبعا ممكن تكون العلاقه بينى وبينه غير مستقرة، فبيحاول بستفزنى فى اوقات مش هقدر أرد عليه فيها، زى اساءة السلوك فى التليفون أو السوبر ماركت... ودى أعمل فيها ايه دى كمان؟..... أولًا، أحاول اصلح علاقتى بيه واكسبه عمومًا، وامنحه وقت خاص بيننا فى غير الاوقات اللى بكون مضغوطه فيها... ثانيًا، أى طلب أو محاوله للضغط أو استغلال الظروف أو وجود ناس، اتجاهله تمامًا؛ علشان ميتعودش يستغل الوقت ده فى الضغط عليا، وافهمه بهدوء ان ده مش وقت مناسب انى أطلب فيه حاجة... لما يهدى ويستجيب للكلام، انفذله طلبه وامدح تصرفه السليم وأخلاقه العالية اتمنى الكلام ده يحل المعضلة الأزلية، ونبطل خناقات التليفون - - - - - - - - - - - - - - - - 
|
|
#2
19 - 10 - 2017, 11:16 AM
|
||||
|
||||
|
اتمنى الكلام ده يحل المعضلة الأزلية، ونبطل خناقات التليفون
ربنا يفرح قلبك
|
|
#3
19 - 10 - 2017, 12:06 PM
|
||||
|
||||
|
لما يهدى ويستجيب للكلام، انفذله طلبه وامدح تصرفه السليم وأخلاقه العالية
اتمنى الكلام ده يحل المعضلة الأزلية، ونبطل خناقات التليفون صح يا قمر ربنا يباركك حببتي
|
|
#4
23 - 10 - 2017, 05:00 AM
|
||||
|
||||
|
ميرسى لمروركم الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ما كانت المعضلة يوما في أن نجد حبا | walaa farouk | قسم المواضيع العامة المتنوعة | 0 | 30 - 05 - 2024 08:30 AM |
| 5 خناقات تؤكد ان كهربا غاوي مشاكل | Mary Naeem | قسم اخبار الرياضة | 0 | 28 - 03 - 2019 02:03 PM |
| خناقات العيد | walaa farouk | قسم المواضيع المسيحية المتنوعة | 2 | 09 - 04 - 2018 09:54 PM |
| خناقات المصالح | walaa farouk | بيت على الصخر | 4 | 20 - 04 - 2017 07:13 PM |
| السيسي يعلق على خناقات البرلمان | Mary Naeem | قسم الأخبار العالمية والمحلية | 0 | 24 - 02 - 2016 02:38 PM |
العرض العادي
