|
 |
 |
 |
|
رقم المشاركة : ( 1 )
16 - 10 - 2017, 05:56 AM
|
|||||||||||
|
|||||||||||
 تقول أحدى المتخصصات : كل فترة بعمل فيها جلسات .. بستغرب جدا باشتراك سبب معين بين كل اللي بيجولي وكأنه الـتيمة المشتركة بينهم .. بس من غير قصد .. وتيمة الفترة ديه من الألم النفسي .. ضحايا حب ناس "تفتقر للإحساس" !! الضحايا دول بيعانوا من اوجاع رهيبة .. شعور بانكسار .. هوان النفس .. عدم تصديق .. لوعة الفقد .. وبيكونوا مستنزفين بسبب ابتزازهم عاطفيا ونفسيا بلعب وحيل مختلفة لضمان وجودهم تحت السيطرة ! مشكلة اللي بيحسوا أوي .. أنهم مش بيتخيلوا الدنيا بعينين قلوب غير قلوبهم .. بيشوفوا كل الأحداث بعين مفزوعة .. دايماً بيدور في مخهم .. إزاى إنسان ممكن يتحمل يأذي كائن تاني بالشكل ده .. الظالم بيحس بإيه ؟ القاتل بيفكر إزاى؟ الندل .. الخاين .. الجبان .. كل ده ازاى !! عشان تقدر تهضم الوجع حواليك .. والأذى اللي قلبك بيتعرض له .. محتاج تفكر نفسك دايماً بحاجة واحدة .. شوف الدنيا بعينيهم .. مش بعينيك أنت !! هما ميعرفوش طريقة تفكيرك .. مجربوهاش .. عمرها ما عدت على سيستم القيم اللي بيعيشوا بيها .. حتى اللي منهم بيحس وميقصدش اذى .. فإحساسه مختلف عنك .. أغلبهم مبيحسش أصلا باللي حواليه .. غصب عنه مقفول جوا ذاته وبس .. إحساسهم بس بيشتغل لو ده هيجلب لهم منفعة أو هيلبي إحتياجهم .. لو مش بيمسهم بيسقط منه.. للمؤذي بقى أنت بالنسبة لهم ولا حاجة .. كائن ملكش لازمة اصلا غير انك تخدم مصلحتهم .. تبقى البنت مجروحة وبتتألم .. وبتفكر مليون مرة .. طب إزاى مفكرش؟ إزاى هنت عليه؟ وابقى انا مشفقة اني افهمها هى اصلا كإنسان مش في حساباته .. هو عمره ما فكر هل تصرفاته مؤذية ليها ولا بتنفعها .. هو بيتصرف عشان محتاج يتصرف .. عشان ده اللي بينفعه .. ده اللي بيبسطه .. كله بيدور في عالمه وبس .. وهى يا حبيبتي مش فاهمة .. هو كلمني امبارح مش مصدق .. ازاى هجرته وسابت عيالها .. ومش فارق معاها .. مش قادر يتخيل .. طب فين الأمومة ؟ هى مبتحسش زيك !! هى احساسها بس باحتياجها .. ولو انت رغبة عندها او بتلبي احتياج ما لها ساعتها بس هتدخل في نطاق احساسها .. اول ما هتلاقي احتياجها مش متلبي .. مش هتفكر ثانية .. احساسها منعدم بيكم .. والاحساس هو اللي بيخلي الانسان منا يوازن ويعادل ويضحي ويحب .. لو انعدم ... يبقى انت بالنسبة لهم هين اوي .. ورخيص اوي .. واللي حقيقي بيوجع .. انك بتفضل متشعلق في لحظاتهم الحلوة .. بتفضل بتحلم بكلمة .. بنظرة .. اصلهم اشطر ناس يلبوا لك احتياجك الناقص عشان يضمنوا انك تفضل بتدور في فلكهم .. مخدرات في شكل بني آدمين .. عارف ضررهم .. وبتصر تدمنهم .. ولو فيها هلاكك .. عارف لو حطيت ضفدعة في مية مولعة هتنط منها بسرعة .. بس لو فضلت تعلي درجة الحرارة بطيء اوي بالراحة اوي .. هتفضل الضفدعة تتكيف مع درجة الحرارة لغاية ما تتسلق وهى مش واعية بالعملية كلها !! هى دي علاقتك بالظبط بيهم .. هتفضل تتكيف على وجعهم .. لغاية ما تخلص خالص في ايديهم .. وساعتها هيبحثوا عن حد جديد .. يلبي احتياجتهم !! لو قررت تكمل معاهم عشان هما من النوع اللي بس بيفتقر للاحساس مش قصده أذى .. تبقى بس مظبط توقعاتك .. وموازن احتياجاتك ومصاردك البديلة عشان تلبيها .. وتبقى واعي لقدراتهم ولتصرفاتهم .. ولو هما مؤذيين ..لازم تفهم انهم ثقب اسود هيستنزفوك .. لغاية ما تهلك .. لازم تتحرر .. عشان كدة بوجودهم او من غير وجودهم .. اتحرر منهم .. بانك تنشغل .. تطلب ربنا اوي عشان يجبر بؤرة الألم .. تبحث عن شغف جديد يسعدك .. تلاقي الدعم المناسب اللي هيخرجك من خيالك الحالم بيهم انهم هيحسوا بيك .. فيوصلك للتعافي .. فتعيش حواليهم وانت مدرك اوي لحالك .. وتعيش بعيد عنهم وانت مدرك اوي انك مكملتش عشان مقدرتش تجاري قوة جذبهم .. مش عشان عيب في نفسك 
|
|
16 - 10 - 2017, 11:45 AM
|
رقم المشاركة : ( 2 ) | ||||
|
† Admin Woman †
|
رد: مخدرات في شكل بني آدمين ..
عشان كدة بوجودهم او من غير وجودهم ..
اتحرر منهم .. بانك تنشغل .. تطلب ربنا اوي عشان يجبر بؤرة الألم .. تبحث عن شغف جديد يسعدك .. صح يا قمر ربنا يباركك حببتي |
||||
|
|
|
16 - 10 - 2017, 05:20 PM
|
رقم المشاركة : ( 3 ) | ||||
|
..::| الإدارة العامة |::..
|
رد: مخدرات في شكل بني آدمين ..
مشاركة جميلة ربنا يفرح قلبك |
||||
|
|
|
17 - 10 - 2017, 08:50 AM
|
رقم المشاركة : ( 4 ) | ||||
|
..::| الاشراف العام |::..
|
رد: مخدرات في شكل بني آدمين ..
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| أنتم محمين بدمي |
| فأنتم محمين بدمي لا تخافوا |
| الخوف أكبر عدو للبني أدمين |
| الشهيدة مدلين توفيق |
| معندكش طاقة تتعامل مع بني آدمين |
العرض العادي
