|
 |
 |
 |
|
رقم المشاركة : ( 1 )
15 - 10 - 2017, 08:49 AM
|
|||||||||||
|
|||||||||||
 عندي برفيوم بحبه جدا.. اول ما جبته رشيت منه رشه بسيطه اوي..فضلت شامم ريحته اليوم كله.. وكنت مبسوط اوي.. كنت بحط منه حاجه بسيطه فكل مره عشان مايخلصش..كنت بحافظ عليه اوي.. لحد ما كنت بحط منه ماكنتش بشم ريحته.. فزودت شويه ريحته بانت.. فضلت ازود..لحد ما بقيت لا ارادي بحط كتير اوي منه وانا مش حاسس.. بس كنت يا دوب قادر اشمه لحد ما روحت عند واحد صاحبي قالي انت استحميت بالبرفيوم بتاعك ولا ايه ! الريحه جامده اوي! طب ازاي بيقولي كدا وانا مش حاسس بيه وبريحته ! غريبه ده انا كنت فاكر اني كان لازم ازود كمان اكتر! روحت ببص علي ازازه البرفيوم لقيتها قربت تخلص.. مع اني كنت محافظ عليها وماكنتش برش منها كتير.. وهي كانت دايما موجوده وعمرها ما قالتلي لا.. بتديني مهما طلبت ازود..مسلوبه الاراده لحد ما قربت تنتهي.. وحتي لما قربت تنتهي انا اكتشفت ده متاخر.. حتي ما اهتميتش اني ابص حتي اشوفها خلصت ولا لسه.. فيه ناس فحياتنا.. اول مانعرفهم تديهم اقل قدر من الاهتمام.. يفرحوا بيه جدا ويقدروه اوي..مع الوقت تلاقيهم بيستنزفوك.. ويعتبروا اهتمامك ده حق مكتسب ليهم ماينفعش يقل..لازم كل يوم يزيد.. تضغط علي نفسك وهما يضغطوا عليك وتفضل تحرق فنفسك وهما مش حاسين.. لحد ما فى يوم تلاقي نفسك حتي وانت قايد صوابعك العشره شمع ليهم شايفينك مقصر.. ومش مديلهم حقهم.. بس ساعتها هتيجي تبص لنفسك تلاقيها انهكت.. روحك تعبت..حاجات كتير حلوه جواك مابقتش فمكانها.. تلاقي نفسك مجرد بقايا بعد ما هما خدوا الحلو اللي فيك وماحسوش بيه.. صحيح ان الاهتمام مابيتطلبش ولو اتطلب بيبقي بايخ.. بس الاهتمام بياخد حته من اللي بيديه.. فخد بالك من الشخص اللي بيديك اهتمام باي صوره.. لانه بيديك جزء من روحه..ممكن مايعرفش يرجعها تاني ابدا.. 
|
|
15 - 10 - 2017, 10:57 AM
|
رقم المشاركة : ( 2 ) | ||||
|
† Admin Woman †
|
رد: بيديك جزء من روحه..
فخد بالك من الشخص اللي بيديك اهتمام باي صوره..
لانه بيديك جزء من روحه..ممكن مايعرفش يرجعها تاني ابدا.. ربنا يبارك حياتك |
||||
|
|
|
15 - 10 - 2017, 06:15 PM
|
رقم المشاركة : ( 3 ) | ||||
|
..::| الإدارة العامة |::..
|
رد: بيديك جزء من روحه..
فخد بالك من الشخص اللي بيديك اهتمام باي صوره.. لانه بيديك جزء من روحه..ممكن مايعرفش يرجعها تاني ابدا.. ربنا يبارك تعبك |
||||
|
|
|
16 - 10 - 2017, 05:04 AM
|
رقم المشاركة : ( 4 ) | ||||
|
..::| الاشراف العام |::..
|
رد: بيديك جزء من روحه..
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| انسج لى ثوب اخر بيديك |
| يسوع بيحيك |
| يسوع بيحيك |
| اذا لم يكن بيديك حل المشاكل |
| يسوع بيحيك |
العرض العادي
