الاسترتشات حلوة مفيش كلام

[Rena Jesus]

مرحلة الاسترتشات ...
بس مش البنطلون لا ... ولا الاسترتش ماركس كمان... خالص مش هي !!ّ

دي المرحلة اللي المواقف والابتلاءات اللي بتتحط فيها بتعمل استرتشينج لامكانياتك و مهاراتك المستخبية ..

بعض ما تخلص الموضوع ,,غمض عينك وافتكر ..
_ افتكر الابتلاء اللي عرفك انك شخصية صبورة اوي وحمولة و بتقدر تكون قد المسئولية
_ افتكر المشكلة اللي عرفتك انك عندك مرونة و ثبات انفعالي عالي جدا
_ افتكر الاستفزاز اللي علمك تتكلم امتي وتسكت امتي
_ افتكر الصدمة اللي خلتك تحس بناس عمرك ما كنت تتخيل انهم يبقوا قريبين منك في يوم من الايام
_ افتكر الازمة اللي كانت نقطة تحول ..
_ افتكر المرض اللي قالك انت تقدر ..
_ افتكر الحادثة اللي كنت هتعملها بس ربنا ستر بس حسيت ان عندك سرعة تصرف و ادراك عالي .
_ افتكر الظلم اللي اتظلمته اللي خلاك تتعلم كتير ...
_ افتكر النعمة اللي راحت اللي خلتك تخلي بالك من باقي النعم ...

في حياتنا فترات صعبة معظمها بتيجي بعد فترة استقرار تبقي عايش مأمن ان حياتك هتفضل ماشية كدة لحد ما تموت..
لحد ما هوب بدون مقدمات تحس انك ركبت الزحليقة ..
هو في اية ...هو اية اللي بيحصل .. هو اشمعني انا ?

بس اول ما بتخرج وتفوق واذا كنت عرفت الحكمة ولا لسة ..
خد بالك انك خرجت من قالب لقالب اكبر...
اصل الاولاني ضاق عليك خلاص ،،
في شوية حاجات جواك لسه مستخبيه مش هيبانه غير بشوية ضغط عليهم كدة ..
زراير عايزة دوسة جامدة عشان تتطلع الدور اللي بعده ..
شدة حلوة كدة عشان تتفرد بدل ما انت ماشي محني !!

اختبارات الدنيا كتيرة وصعبة ..
ومش دايما بنتحط فيها عشان ذنوبنا ولا عشان احنا وحشين ...
ساعات كتير بتبقي عشان احنا حلوين اووي بس مش واخدين بالنا
ومش عارفين نفسنا ..
الابتلاء جاي يشيل التراب اللي علي تفكيرك و شوية الصدي اللي علي قلبك !!
الاسترتشات_حلوة_مفيش_كلام

[Mary Naeem]

الابتلاء جاي يشيل التراب اللي علي تفكيرك و شوية الصدي اللي علي قلبك !!
الاسترتشات_حلوة_مفيش_كلام
ربنا يباركك

[walaa farouk]

الابتلاء جاي يشيل التراب اللي علي تفكيرك و شوية الصدي اللي علي قلبك !!
الاسترتشات_حلوة_مفيش_كلام

ميرسى على مشاركتك الجميلة

[marit jesus]

رووووووووووووووووووووووووووعة

[Rena Jesus]

ميرسى لمروركم الغالى