|
 |
 |
 |
|
رقم المشاركة : ( 1 )
26 - 09 - 2017, 03:45 PM
|
|||||||||||
|
|||||||||||
 من النصائح الزوجية الكارثية اللي دايماً بنسمعها إنه في حالة حدوث خناقة بين الزوجين "خدوا بريك و إبعدوا عن بعض علشان تهدوا شوية" فالست تقفل على نفسها باب اوضتها و الراجل ينزل القهوة يشد حجر تفاح و يتفرج على إعادة ماتش في دوري أسمنت أسيوط. مبدأيا معرفش مين الجحش اللي تخيل في يوم من الأيام إن الست لما تسيبها شوية لوحدها و هي زعلانة هتهدا بقى و تراجع نفسها (بعقلانية) و( منطق) و كدا .. بالعكس دي هتفضل تهري في نفسها و تفتكرلك القديم و الجديد و هتفضل تعد للمعركة و تحفظ الكلام اللي هتقولهولك لما ترجع و تذاكر ردودك في خناقات سابقة و تحضر لسيناريوهات التصعيد و ما إلى ذلك من تكتيكات حروب الجيل الخامس و طبقاً لبروتوكولات حكماء صهيون .. فيما يكون الراجل اللي على القهوة نسي أساساً هما إتخانقوا ليه بمنتهى السذاجة و البلادة اللي في الدنيا ! نتيجة لكل دا طبعاً الخناقة الحقيقية بتبدأ بعد الهدنة دي و كل دا و عداد النكد بيعد عليكم وعلى الأقل خالص هتباتوا ليلة متنكدين إن ما كانش اكتر. فالحل بإختصار إنكم لو إتخانقتم كملوا خناقتكم to the breaking point اللي هي غالباً بتكون عياط الست .. و بعدين من هنا الراجل بيعرف يلم الدور إزاي .. و كل راجل و له أسلوبه . و بكدا يبقى نزلنا بزمن النكد و المشكلة من يومين و ليلة لنص ساعة على الأكثر .. والموضوع إنتهى على خير بدون تطبيق النصيحة الزبالة المذكورة أعلاه دي. تلاحظ 3 حاجات من كلامي .. واحد اني ما تطرقتكش أساساً مين الغلطان وسبب المشكلة .. إنت عبيط يا عم ؟ الستات رضي الله عنهن ما بيغلطوش.. وإن غلطوا ما بيعترفوش وإن إعترفوا مابيعتذروش وإن إعتذروا ما بيقتنعوش وبيبقى إعتذار شكلي يحرق دمك أكتر و حتى دا نادراً ما بيحدث أساساً ! الحاجة التانية اللي ما إتكلمتش عنها أسلوب الراجل في لم الدور في نهاية الخناقة .. دي تختلف من راجل لراجل و قدرة الراجل على التحمل و ظبط النفس و دي بتفرق من شخص لأخر زي ما قلت. الشئ التالت و الأخير و هو الهدف الحقيقي من كل الكلام دا و أهم شئ على الإطلاق هو إنك ما تسيبش الست لوحدها سواء في وقت السلم او ساعة الحرب .. لازم تكون جنبها في كل لحظة عشان تحاول تتوقع الهجوم هييجي منين .. و إن سبتها لازم تخلي عقلها شغال و بيهري في أي شئ زي الـMalware ما بيعمل في الـCPU .. لأن لو للحظة الCPU Usage قلت عندها هتبدأ تفكر فيك و دا مش حلو عشانك.. دا موضوع كبير يطول شرحه 
|
|
26 - 09 - 2017, 04:02 PM
|
رقم المشاركة : ( 2 ) | ||||
|
† Admin Woman †
|
رد: خدوا بريك و إبعدوا عن بعض علشان تهدوا شوية
لازم تكون جنبها في كل لحظة عشان تحاول تتوقع الهجوم هييجي منين
صح يا قمر ربنا يباركك حببتي |
||||
|
|
|
26 - 09 - 2017, 09:15 PM
|
رقم المشاركة : ( 3 ) | ||||
|
..::| الإدارة العامة |::..
|
رد: خدوا بريك و إبعدوا عن بعض علشان تهدوا شوية
الشئ التالت و الأخير و هو الهدف الحقيقي من كل الكلام دا و أهم شئ على الإطلاق هو إنك ما تسيبش الست لوحدها سواء في وقت السلم او ساعة الحرب . ربنا يبارك تعبك |
||||
|
|
|
28 - 09 - 2017, 07:21 AM
|
رقم المشاركة : ( 4 ) | ||||
|
..::| الاشراف العام |::..
|
رد: خدوا بريك و إبعدوا عن بعض علشان تهدوا شوية
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| شوية عقل علشان ماتصدمش |
| علشان تستفيد بالبصخة لازم تتعب شوية 🙈 |
| خدوا فكرة علشان محدش يتفاجئ |
| خدوا بالكم وأنتم بتتكلموا علشان منزودش معاناه النآس دي |
| أكتشفي أي زوجة أنت بحسب برجك |
العرض العادي
