الشخص المكتئب ..بيحاول دايما يواجه الحياة ..بعقله ..هو وصل لاستنتاج مسبق في عقله ان الحياة مالهاش لازمة و انه مالوش لازمة و الاشخاص مالهمش لازمة ..
و ده بيسبب الم طبعا ..فبيحاول انه يخفف الالم ده ..بانه يعلقن كل شيء حواليه ..كله بالعقل ..العقل بيفضل يلف في دواير مفرغة ..بنسمي طريقة التفكير دي pseudophilosophy يعني الفلسفة المزيفة ...كل هدف التفكير ده يثبت استنتاجاته ...و لأنه حاطط النتيجة قبل الفكرة ..فمش بيوصل لحاجة
بييجي للطبيب النفسي ..و هو فاكر ان الطبيب هيحاول يقنعه بعكس استنتاجاته ..اللي هي اصلا مش مبنية علي منطق ..بيواجه الدكتور بالفلسفة و الدليل ..الدكتور الشاطر ..هو اللي عارف ان الافكار دي مجرد درع للمريض ..بيحمي بيها نفسه من الالم و الانهيار..و دور الطبيب هنا يستخدم كلمات و جمل تقدر تعدي داخل الانسان من غير ما تصتدم بالدروع او الافكار ..زي السهام اللي بتعدي فوق درع الجندي بمهارة من اجل اصابة الهدف ..و كل مالدكتور ينجح انه يعدي للوعي الداخلي دون اصابة الافكار ..كل ما كانت مقاومة المريض الفلسفية اقل ..و تلاقيه اتطمن و نزل الدرع ..و يمد ايده الداخليه بالصلح مع الافكار و المشاعر !!
#دعنا_نحارب_الاكتئاب_معا#
11 - 09 - 2017, 01:29 PM
رد: #دعنا_نحارب_الاكتئاب_معا#
العرض العادي
