|
 |
 |
 |
|
رقم المشاركة : ( 1 )
09 - 09 - 2017, 07:42 PM
|
|||||||||||
|
|||||||||||
|
صباح الخير على منتدانا الغالى صباح الفرح عل الفرح المسيحى اتمنى لكم صباح مشرق بكل الوان الخير والمحبة نبدا يومنا هذا باحلى الاحاديث حديث المحبة والحديث مع الله فقرة الصلاة .....  أشكرك يا إلهي لأنك تعلن لي اليوم أنك تراني ، تشعر بى تعلن أنك عالم بكل شئ.. سيدي أشكرك لأنك تعلم ما لا يعلمه غيرك.. قد يراني الأخرين في خطيتي ويدينونني ولكن أنت عارف كم أحبك وعارف كم أجاهد أن أفرّح قلبك وعارف مرارتي عندما أسقط في الخطية وعارف كم أحاول أن أقوم من سقطتي وأن أثبت فيك وهذا يكفينى سيدى انك انت عالم بكل شئ.. ولكن ازرع فىً ألا اهتم بما يقوله الناس عني.. دعني لا اهتم بتمجيدهم إن فعلت شئ جيد امامهم ولا اهتم بذمهم ان فعلت شئ اغضبهم ولكن ليكن اهتمامي هو رضاك انت وموافقتك انت على كل خطواتى .  والان مع شبابيات الفرح ......
 البنت القوية مش “مسترجلة” ولا حاجة، كل الحكاية إنها واحدة اتعودت تعتمد على نفسها في كل تفاصيل حياتها، وده خلاها تشوف الدنيا بشكل مختلف عن بقية البنات اللي في نفس سنها، وعشان كدة عادة بتكون العلاقات بالنسبالها مش شيء اساسي في الحياة، والحب والرومانسية والكلام الجميل ده مبيأثرش فيها قوي لانها بتشوف الحياة دايماً من الجانب العملي أكتر، مبتستناش مساعدة من حد ولا بتحتاج لراجل في حياتها، كل الحاجات دي بتخليها من الصعب تلاقي الحب في مجتمع كل الرجالة فيه بيحبوا البنت اللي معاهم تكون ضعيفة ومطيعة وبتسمع الكلام، يحسوا معاها برجولتهم ويفرضوا سيطرتهم عليها ومش فاهمين ان الحكاية كلها بتدور حوالين إنهم يفهموا البنت دي ويعرفوا إزاي يتعاملوا معاها بالطريقة اللي تناسبها وتناسب ظروف حياتها وشخصيتها. انهاردة حبيت اركز شوية على الأسباب اللي بتخلي البنت القوية متلاقيش الحب بسهولة واختصرت ده في 5 أسباب رئيسية وهما كالأتي.. 1-مبتتنازلش ابدا عن حقوقها البنت القوية عادة بتبقى عارفة قيمة نفسها وعارفة إيه اللي تستحقه، وعشان كدة عمرها ما بتتنازل عن حقوقها ولو محستش ان حبيبها بيعاملها المعاملة اللي تستاهلها مش هيبقى عندها أي مشكلة تماما إنها تنهي العلاقة دي فوراً. 2-مبتخافش من حاجة ومبتعملش حساب لحد البنت القوية كمان مبتعملش حساب لحد، بمعنى أصح مش بتخاف من حاجة ولا بتحتاج لحد، دايماً معتمدة على نفسها في كل كبيرة وصغيرة، وده اللي رجالة كتير في مجتمعنا مش بيفهموه وبالعكس كمان أحياناً بيخافوا منها ومن قوتها دي. 3- مش محتاجة راجل في حياتها ولأنها قوية بالقدر الكافي اللي يخليها تعتمد على نفسها طول الوقت، عادة البنت دي مبتحسش إنها محتاجة راجل في حياتها، جايز تحتاج في فترة من الفترات للحب والرومانسية لكن بيظل الجانب العاطفي ده دايماً على الهامش مش شيء اساسي في حياتها. 4-مبتديش فرصة تانية البنت القوية بتبقى عارفة إن الحياة عمرها ما بتقف على حد ولا على حاجة، وده بيخليها من الصعب تندم على قراراتها، يعني مش من السهل تلاقيها بتديلك فرصة تانية لو جيت عليها، كل اللي هتقولهولك هو “فرصة سعيدة”. 5-مش بتحب حد يخنقها البنت القوية دي هي اللي اتعودت تروح وتيجي براحتها من غير قيود ولا استئذان من حد، حياتها ملكها هي وبس، ولان العلاقات بتعتبر بالنسباها تقييد لحريتها فا دايماً بتكون فاشلة فيها، وده لانها مالهاش في الإهتمام والكلام الحلو والجو بتاع الحبيبة ده. وفي الأخر احب اقولكوا إن البنت مهما كانت قوية ومعتمدة على نفسها في كل حاجة بتفضل برضه جواها حتة كدة محتاجة لراجل يفهما ويتعامل معاها صح وبالطريقة المناسبة ليها .. بمعنى أصح محتاجة “رشدى أباظة” يخرج الأنثى اللي جواها.  عارف يارب نفسى فى ايه ....  ...... امسك ايدى زى بطرس .ادخل قلبى زى ما دخلت بيت زكا... اتكلم معايا انا وانت بس زى السامرية. اسمع صراخى زى المولود اعمى. ..انقذنى من خطاياى زى المراه الزانية وحافظت عليها وسترتها ..اغفر خطايايا اللى انا علمتها بقصد او بدون اقصد اللى فاكره او نستها. عارف يا ربي نفسي في ايه .... نفسي اشوفك واكلمك ..نفسي يا ربي اسمعك..... نفسي في جوا حضنك انام وانسي همومي وكل الالام.... نفسي تطبطب عليا ..نفسي تمسحلي دموع عينيا.... عارف كمان نفسي في ايه..... نفسي احس انك سامعني ...ولما ابكي ولا اصرخ نفسي احس انك شايفني...ولما رجليا تقف مكانها نفسي الاقيني علي ايدك شايلني... هو ده يا ربي اللي نفسي فيه... والان مع اخر فقراتنا وصورة اليوم .......  سعدت جدا بصحبتكم اتمنى ان اكون اسعدتكم الى اللقاء ................. 
|
|
09 - 09 - 2017, 11:59 PM
|
رقم المشاركة : ( 2 ) | ||||
|
..::| مشرفة |::..
|
رد: صباح الخير ايها الفرح المسيحى الاحد 10-9-2017
بجد فقرات فى منتهى الروووووووووووعة يالولو
|
||||
|
|
|
10 - 09 - 2017, 09:04 AM
|
رقم المشاركة : ( 3 ) | ||||
|
..::| مشرفة |::..
|
رد: صباح الخير ايها الفرح المسيحى الاحد 10-9-2017
ربنا يباركك ياقمر
|
||||
|
|
|
10 - 09 - 2017, 10:42 AM
|
رقم المشاركة : ( 4 ) | ||||
|
† Admin Woman †
|
رد: صباح الخير ايها الفرح المسيحى الاحد 10-9-2017
رووووووووووعة
ربنا يفرح قلبك |
||||
|
|
|
10 - 09 - 2017, 01:05 PM
|
رقم المشاركة : ( 5 ) | ||||
|
† Admin Woman †
|
رد: صباح الخير ايها الفرح المسيحى الاحد 10-9-2017
ربنا يبارك حياتك |
||||
|
|
|
10 - 09 - 2017, 05:36 PM
|
رقم المشاركة : ( 6 ) | ||||
|
..::| الإدارة العامة |::..
|
رد: صباح الخير ايها الفرح المسيحى الاحد 10-9-2017
ميرسى على مروركم الغالى  |
||||
|
|
 |
|
العرض العادي
